1947 ஆகஸ்ட் 15ல் தொடங்கப்பட்ட தயாரிப்பு நிறுவனம்...

2வது தலைமுறையில் திவால்... 3வது தலைமுறையில் விஸ்வரூப வெற்றி... 4வது தலைமுறை இயக்குநராக அறிமுகம்!

- த. சக்திவேல்

உலகம் முழுவதும் ஆயிரக்கணக்கான சினிமா தயாரிப்பு நிறுவனங்கள் இயங்கி வருகின்றன. இவற்றில் நீண்ட காலமாக தொடர்ந்து இயங்கும் நிறுவனங்களைப் பட்டியலிட்டால் ஐம்பது நிறுவனங்கள் கூட எஞ்சாது. அதுவும் இந்திய நிறுவனங்கள் என்றால் பத்து கூட தாண்டாது. இந்தப் பத்து நிறுவனங்களில் முதன்மையானது, ‘ராஜ்ஸ்ரீ புரொடக்‌ஷன்ஸ்’. இந்தியாவில் 75 வருடங்களுக்கு மேலாக தொடர்ந்து இயங்கி வரும் சினிமா தயாரிப்பு நிறுவனம் இது. ‘மெயின் பியார் கியா’, ‘ஹம் ஆப்கே கெயின் கோன்’, ‘விவாஹ்’ உட்பட ஏராளமான பிளாக்பஸ்டர் இந்திப் படங்களைத் தயாரித்தது ‘ராஜ்ஸ்ரீ’தான்.

இதுபோக  பன்மொழிகளில் ஆயிரக்கணக்கான திரைப்படங்களை விநியோகம் செய்திருக்கிறது. தவிர, முக்கியமான தொலைக்காட்சித் தொடர்களையும், நிகழ்வுகளையும் தயாரித்திருக்கிறது .