புதிய I Phone Series 15-ல் இந்தியாவின் NavIC!

இந்த வருடத்திற்கான ஐ ஃபோன் 15  சீரிஸை ஆப்பிள் நிறுவனம் அறிமுகப்படுத்தியுள்ளதும்; சிறப்பு அம்சங்களாக சி டைப் சார்ஜர், ஆக்‌ஷன் பட்டன் வசதி, புதியதாக  A17 ப்ரோ சிப், பிறகு வழக்கம் போல அதிநவீன கேமரா வசதி, உபயோகப்படுத்துவதற்கு ஏதுவாக எடை குறைவு... என்று நிறைய இருப்பதும் நாம் அனைவரும் அறிந்த செய்திதான். இணையதளங்களில் மக்கள் இதுகுறித்து பிரித்து மேய்ந்து பட்டியலிட்டிருக்கிறார்கள்.

- என்.ஆனந்தி

ஸோ, இதையெல்லாம் ஸ்கிப் செய்துவிட்டு அதிகம் சோஷியல் மீடியாவில் பேசப்படாத ஒரு விஷயம் குறித்து மட்டும் இங்கு பார்க்கலாம்.அதுதான் இஸ்ரோவின் NavIC.

GPS (Global Positioning System) என்றால் என்ன என்று விளக்கினால் இருந்த இடத்தில் இருந்தே கல் எடுத்து எறிவீர்கள்! ஏனெனில் வழி மாறிப் போய்விடுவோம் என்ற பயம் இல்லை. நம்மிடம் இருக்கும் ஸ்மார்ட்ஃபோனில் நொடிப் பொழுதில் எங்கு இருக்கிறோம், நாம் எங்கு செல்ல வேண்டும் என்று தெளிவாக நமக்கு வழிகாட்டிவிடும். GPS-ன் பயன்பாடு நம் அனைவரின் சுவாசத்துடன் கலந்துவிட்டது.

இந்த GPSஐ அமெரிக்காதான் முதன் முதலில் உருவாக்கியது. இது அமெரிக்காவின் பாதுகாப்புத் துறையால் முதன் முதலில் உருவாக்கப்பட்டு, அமெரிக்காவின் வானூர்திப் படையின் 50வது விண்வெளிப் பிரிவால் நிர்வகிக்கப்படுகிறது.