நடிகையின் லைஃப் ஸ்டைல்...வெறி நைஸ்

அனு இம்மானுவேல் - அமெரிக்காவில் பிறந்த அழகி ! அப்பா தயாரிப்பாளர், குழந்தை நட்சத்திரம் என வெயிட் பேக்ரவுண்ட் இவருக்கு உண்டு. ‘ஆக்‌ஷன் ஹீரோ பிஜு’ மலையாளப் படத்தின் மூலம் சினிமா டிராவலை ஆரம்பித்தவர். தெலுங்கில் பல முன்னணி ஹீரோக்களுடன் நடித்தவர். தமிழ் ரசிகர்களுக்கு ‘துப்பறிவாளன்’ மூலம் அறிமுகம். சன் பிக்சர்ஸ் தயாரித்த ‘நம்ம வீட்டு பிள்ளை’யில் சிவகார்த்திகேயனுடன் டூயட் பாடியவருக்கு ‘ஜப்பான்’ படத்தில் கார்த்தியுடன் டூயட் பாடுவதற்கு மீண்டும் ஜாக்பாட் அடித்துள்ளது.

- எஸ்.ராஜா

தமிழ் சினிமாவை மறந்துவிட்டீர்களா?

அப்படியெல்லாம் இல்லை. தமிழில் எனக்கு வாய்ப்புகள் வருகிறது. ஆனால், எதுவும் எனக்கு பெரிய ஆர்வத்தைக் கொடுக்கவில்லை. நல்ல சினிமாவுக்காகக் காத்திருந்தேன். கவனமாகவும், தேர்ந்தேடுத்தும்தான் படங்களை  கமிட் பண்ணுகிறேன்.  

‘ஜப்பான்’ படத்தை எப்படி தேர்வு செய்தீர்கள்?

இது மிகப் பெரிய படம். கார்த்தியின் இருபத்தைந்தாவது படம். ‘ட்ரீம் வாரியர் பிக்சர்ஸ்’ வணிக நோக்கத்துக்காக மட்டுமல்லாமல் சமூக மாற்றத்துக்கான பல நல்ல கருத்துக்களை உள்ளடக்கிய படங்களைத் தயாரித்து வருகிறார்கள்.ஒளிப்பதிவாளர் ரவிவர்மன் சாரை இந்திய சினிமாவே வியந்து பார்க்கிறது. இயக்குநர் ராஜுமுருகன் கருத்தாழமிக்க படங்களைச் செய்வதில் சமகால இயக்குநர்களில் கவனிக்கத்தக்க இடத்தில் இருக்கிறார். 

இப்படி தலைசிறந்த எல்லா கலைஞர்களும் ஒரு படத்தில் இருக்கும்போது ஏன் வேண்டாம்னு சொல்லப்போகிறேன்! ‘ஜப்பான்’ டீம் பெஸ்ட் டீம். படப்பிடிப்பு நடந்த ஒவ்வொரு நாளும் மிகப் பெரிய அனுபவத்தைக் கொடுத்ததோடு மறக்க முடியாத நாட்களாகவும் இருந்தது.

சஞ்சு கேரக்டர் ரசிகர்களை எந்தவிதத்தில் சுவாரஸ்யப்படுத்தும்?

சஞ்சு சினிமா நடிகை. ஜப்பானை வெறித்தனமாகக் காதலிப்பவள். இருவருக்கும் சிக்கலான ரிலேஷன்ஷிப் இருக்கும். ஹீரோவுக்கும் எனக்கும் சமமான வேடம்னு சொல்லமாட்டேன். ஆனால், என்னுடைய கேரக்டர் ஹீரோவுக்கு தோள்கொடுக்குமளவுக்கு முக்கியமான கேரக்டராக இருக்கும். சஞ்சு நடிகை என்பதால் பெரிய ஹோம் ஒர்க் தேவைப்படவில்லை. 

என்னுடைய வேலையை இயக்குநர் மிகவும் சுலபமாக்கிவிட்டார்னு சொல்லலாம். ஏனெனில், என்னுடைய கேரக்டர் பற்றிய குறிப்புகளை படப்பிடிப்புக்கு முன்பாகவே மிகத் தெளிவாக எழுதிக் கொடுத்துவிட்டார்.

லொகேஷனில் நிறைய இன்புட் கொடுத்தார். அவர் சொன்னதை அப்படியே மைண்ட்ல ஏத்திக்கிட்டு பண்ணியதால் சஞ்சு கேரக்டரை சுலபமாகப் பண்ண முடிந்தது.

கார்த்தியுடன் பணிபுரிந்த அனுபவம் எப்படி?