தீப ஒளி நம் ஒளி!

நாடே செழிப்போடும் களிப்போடும் இருந்தது. பரந்து விரிந்த தனது நாட்டை நீதி தவறாமல் ஆட்சி செய்து வந்தான் சுதர்மன் என்ற அந்த மன்னன்.

- ஜி.மகேஷ்

அவன் நாட்டில் வறுமை இல்லை, பஞ்சம் இல்லை, பட்டினி இல்லை, ஏற்றத் தாழ்வு இல்லை. மக்கள் அனைவரும் சொர்க்கலோகத்தில் வசிக்கும் வானவர்கள் போல இன்புற்று வாழ்ந்து வந்தார்கள்.

மன்னன் சுதர்மன் நல்ல குணவான், வீரன், நீதிமான். உலகம் அனைத்தையும் ஒற்றைக் குடையின் கீழ் ஆட்சி செய்யும் கோமான்.

அவன், தனது மனைவியும் நாட்டின் பட்டத்து அரசியுமான ரூபசுந்தரியை சந்திக்கச் சென்று கொண்டிருந்தான். அரம்பையர்களும் இந்த நங்கையைக் கண்டு நாணும் அளவு அழகு படைத்தவள். கற்பிற்கு இலக்கணமாக விளங்கும் காரிகை. நாட்டு மக்களைத் தன் மக்களாகக் கருதும் தாய் என அவளைப் பற்றிச் சொல்லிக்கொண்டே போகலாம்.