பல கோடி ரூபாய் இடத்தை பள்ளிக்கு தானம் தந்த பெண்!

உலகமே மகள்னு ஆகி, அந்தப் பெண்ணை படிக்க வச்சு கல்யா ணம் பண்ணிக் கொடுத்ததுல, குடும்பப் பிரச்னையில் மகளையும் பறிகொடுத்துட்டேன். எம் மகளோட கடைசி ஆசையும் இந்த சொத்தை படிக்கிறதுக் குன்னு எழுதிக் கொடும்மான்னு இருந்துச்சு... அதான்...” தழுதழுத் தபடி பேசுகிறார் ஆயி பூரணம்.

மதுரை ஒத்தக்கடைக்கு அருகில் இருக்கிறது கொடிக்குளம் கிராமம்.

இங்கிருக்கிற ஊராட்சி ஒன்றிய நடுநிலைப் பள்ளியை உயர்நிலைப் பள்ளியாக உயர்த்திட தனது ஒரு ஏக்கர் 52 சென்ட் இடத்தை ஆயி பூரணம் தானமாக எழுதிக் கொடுத் திருக்கிறார்.

இப்போதைய சந்தை மதிப்பில் இந்த இடம் ரூ.7 கோடியைத் தொடும் என்கின்றனர்.

ஆயி பூரணத்தின் கணவர் உக்கிரபாண்டி இறந்ததால், அவர் பணிபு ரிந்த கனரா வங்கிப் பணி வாரிசு அடிப்படையில் இவருக்கு வழங்கப்பட்டதில், மதுரை தல்லாகுளம் கிளையில் கிளார்க் ஆக இருக்கிறார்.

'ஐந்தாம் வகுப்பு வரை இந்த கொடிக்குளம் பள்ளியில் தான் படித்தேன். அடுத்தடுத்து படிச்சு, தபால்ல பிஏவும் முடிச் சேன். எனக்கு ஐந்து அக்கா மார்கள். அத்தனை பேருமே என்னோட இந்த கல்விக்கான இடம் தானத்தை வரவேற்கி றாங்க..." எனச் சொல்லும் ஆயி பூரணம், கோடிக் கணக்கில் மதிப்புள்ள சொத்துகளை பள்ளிக்கு எழுதி வைத்து விட்டு எவ ருக்குமே தெரியாமல் தன் வங்கிப் பணிக்குப் போய் வேலை பார்க்க ஆரம் பித்து விட்டார்.

அந்தளவுக்கு விளம்பரத்தை விரும்பாதவராக இருக்கும் இவ ரின் இச்செயலே இன்று இவரது தானத்தை ஊர் பேச முழு க்க வைத்திருக்கி றது.