கிழியும் டாலரின் டவுசர்...வருகிறதா புதிய BRICS நாணயம்..?

இதுதான் இன்று சர்வதேச அளவில் மட்டுமல்ல... தேசிய அளவிலும்... மாநில அளவிலும் பேசப்படும் பொருள்.

- என்.ஆனந்தி

அமெரிக்க டாலர் பல ஆண்டுகளாக சர்வதேச வர்த்தகத்துக்கான அதிகாரபூர்வ நாணயமாக  இருந்து வருகிறது. இருப்பினும், சமீப காலங்களில் அமெரிக்க மேலாதிக்கத்துக்கு எதிராக டாலரை பின்னுக்குத் தள்ளும் முயற்சியில் புதிய நாணயத்தை உருவாக்குவது பற்றி பரவலாகப் பேசப்படுகிறது.

குறிப்பாக ரஷ்யா - உக்ரைன் போர் தொடங்கிய பிறகு, இந்த டாலர் பயன்பாட்டை குறைக்கும் யோசனைகள் பரபரப்பாக விவாதிக்கப்பட்டு வருகிறது.‘

ஸ்டேட் டூமா’வின் துணைத் தலைவரான அலெக்சாண்டர் பாபகோவ் ‘டாலர் அல்லது யூரோவை சார்ந்திருக்கப்போவதில்லை...’ என்ற யுக்தியின் அடிப்படையில் பிரிக்ஸ் நாடுகள் தங்களுக்கிடையேயான பரிவர்த்தனைகளில் டாலரைத் தவிர்த்து பணம் செலுத்துவதற்கான புதிய வழிமுறைகளை உருவாக்கும் பணியில் ஈடுபட்டுள்ளதை குறிப்பிட்டதிலிருந்து ​​இந்த இயக்கம் மேலும் உத்வேகத்தைப் பெற்றுள்ளது.

*நாணயத்தின் ராஜாவை அகற்றுவது

உலகளவில் நாணயத்தின் ராஜாவாக இருப்பது அமெரிக்க டாலர்தான். இது 1944ல் உலகின் அதிகாரபூர்வ இருப்பு நாணயமாக மாறியது. ‘பிரிட்டன் WOOTS ஒப்பந்தம்’ என்று அழைக்கப்படும் 44 நட்பு நாடுகளின் பிரதிநிதிகள் குழுவால் இந்த முடிவு எடுக்கப்பட்டது.

அப்போதிருந்து, டாலர் உலகில் ஓர் சக்திவாய்ந்த நிலையை அனுபவித்து வருகிறது. இது மற்ற பொருளாதாரங்கள் மீது அமெரிக்காவுக்கு விகிதாசார செல்வாக்கை கொடுத்துள்ளது.

உண்மையில், வெளிநாட்டுக் கொள்கை இலக்குகளை அடைவதற்கான ஒரு கருவியாக அமெரிக்கா நீண்ட காலமாக பொருளாதாரத் தடைகளை விதித்துள்ளது.

இருப்பினும், எல்லோரும் அமெரிக்க விதிகளின்படி விளையாடுவதை விரும்புவதில்லை. ரஷ்யா மற்றும் சீனா போன்ற நாடுகள் டாலர் மேலாதிக்கத்தை நிறுத்த விரும்புகின்றன.

இந்த செயல்முறை டி-டாலரைசேஷன் என்று அழைக்கப்படுகிறது.  இது உலகளாவிய சந்தைகளில் டாலரின் ஆதிக்கத்தைக் குறைப்பதைக் குறிக்கிறது. இது எண்ணெய் அல்லது பிற பொருட்களை வர்த்தகம் செய்ய பயன்படுத்தப்படும் நாணயமாக அமெரிக்க டாலரை மாற்றி புதிய பொது பணத்தை பயன்பாட்டுக்குக் கொண்டு வரும் செயல்முறையாகும்.