ഒരു നീണ്ട മാരത്തോൺ ലക്ഷ്യവുമായി

മുറയുടെ കുടുംബത്തിലേക്ക് ഞാൻ ക്ഷണിക്കപ്പെട്ട അതിഥിയായിരുന്നു. സ്താർത്തി ശ്രീക്കുട്ടനും എന്റെ കുടുംബത്തിലെ സിനിമയാണ്. കണ്ണൻ നായർ

- ബിന്ദു പി.പി

മുറയും സ്താനാർത്തി ശ്രീക്കുട്ടനും... കഴിഞ്ഞവർഷം കളറായിരുന്നല്ലോ...?

അതേ.. അതേ.. 2024 എന്തുകൊണ്ടും നല്ല വർഷമായിരുന്നു. രണ്ട് പ്രധാനപ്പെട്ട സിനിമകളിൽ അഭിനയപ്രാധാന്യമുള്ള വേഷങ്ങൾ അവതരിപ്പിക്കാൻ സാധിച്ചു. പേർസണലിയും ഇഷ്ടപ്പെട്ട രണ്ട് ഫാമിലി. മുറയുടെ ഫാമിലിയിലേക്ക് ഞാൻ ക്ഷണിക്കപ്പെടുകയായിരുന്നേൽ ഞാനാർത്തി ശ്രീക്കുട്ടൻ എന്റെ കുടുംബത്തിലെ സിനിമയായിരുന്നു. മുസ്തഫ ഇക്കയുടെ(മു മ്മദ് മുസ്തഫ കപ്പേളയ്ക്ക് ശേഷമുള്ള സിനിമയുടെ ഭാഗമാവാൻ കഴിഞ്ഞതിൽ സന്തോഷമുണ്ട്. തിരുവനന്തപുരമാണ് ഞങ്ങളുടെ തട്ടകം എന്നുള്ളതുകൊണ്ട് അവിടുത്തെ കഥ പറയുന്ന മുറയുടെ ഭാഗമാവാൻ സാധിച്ചു എന്നതിൽ ഇരട്ടി മധുരമാണ്. രണ്ടും തീയേറ്ററുകളിലും വലിയ സ്വീകാര്യത ലഭിച്ചു. പുതിയ വർഷവും വലിയ പ്രതീക്ഷയോടെയാണ് നോക്കിക്കാണുന്നത്.

സുനിയണ്ണനെ നമ്മൾ സാധാരണ കാണുന്ന ഗുണ്ടാഗ്യാങ്ങിലെ ഒരാളെപ്പോലെ തോന്നിയില്ലേ?

എന്റെ ഒരു തിയേറ്റർ പെർഫോമൻസ് കണ്ടാണ് മുസ്തഫക്ക എന്നെ സുനിയണ്ണനിലേക്ക് കാസ്റ്റ് ചെയ്യപ്പെടുന്നത്. ഇത്രയും മുഴു നീള സിനിമയായിരിക്കുമെന്ന് കരുതിയിരുന്നില്ല. കേട്ടപ്പോൾ ഇതെനിക്ക് ഉള്ളതുതന്നെയെന്ന് ഒരു സെൽഫ് ഡൗട്ട് ഉണ്ടായെന്നുപറഞ്ഞാൽ തെറ്റ് പറയാൻ കഴിയില്ല. അനിയണ്ണന്റെ വലം കയ്യാണ് സുനി. സുനിയെ ശ്രദ്ധിച്ചാൽ അറിയാം അയാൾ സുനി മാത്രമുള്ള സ്പേസിൽ വേറെയൊരു ബന്ധവും എല്ലാവരും നിൽക്കുമ്പോൾ മറ്റൊരു രീതിയിലുമാണ്. ജീവിച്ചിരിക്കുന്ന ഒരുപാട് സുനിമാരെ അറിയാം. അതുകൊണ്ടുതന്നെ അതിലേക്ക് വേഷപ്പകർച്ച നടത്താൻ എളുപ്പമായിരുന്നു.