ശതാഭിഷേക മധുരസ്മരണകൾ

യേശുദാസിന്റെ ശതാഭിഷേക വിശേഷങ്ങളുമായി സഹപാഠിയും സുഹൃത്തും പ്രശസ്ത നാഗസ്വര വിദ്വാനുമായ തിരുവിഴാ ജയശങ്കർ

- ജി. കൃഷ്ണൻ

ജനുവരി 10.

ഈ ദിനം ഒരു പ്രത്യേകതയുള്ളതാണ്. സംഗീതവുമായി ബന്ധവും അടുപ്പവുമുള്ള ഏവർക്കും ആ ദിനത്തിന്റെ പ്രത്യേകത എന്തെന്ന് അറിയാവുന്നതാണ്.

ഗാനഗന്ധർവ്വൻ യേശുദാസിന്റെ ജന്മദിനം. മുൻവർഷങ്ങളിൽ യേശുദാസ് ഈ ദിവസം മൂകാംബികയിൽ പോയി ദർശനം നടത്തുക പതിവായി രുന്നു. എന്നാൽ, അമേരിക്കയിൽ നിന്നും ഇന്ത്യയിലേക്കുള്ള വരവ് നീണ്ടുപോയതിനാൽ ഇക്കഴിഞ്ഞ ജനുവരി പത്താം തീയതിയോ അതിന് മുൻവർഷമോ ഒന്നും യേശുദാസ് മൂകാംബികയിലെത്തിയിരുന്നില്ല.

യേശുദാസിനെ സ്നേഹിക്കുന്ന, ആരാധിക്കുന, സംഗീതപ്രേമികൾ ജനുവരി പത്തിന് മൂകാംബികയിലെത്തുന്ന പതിവും ഉണ്ടായിരുന്നു.

ഫോർട്ട് കൊച്ചിയിലെ വീട്ടിൽ 1940 ജനുവരി 10-ാം തീയതിയാണ് യേശുദാസ് ജനിച്ചത്. ഇക്കഴിഞ്ഞ ജനുവരി 10 കടന്നുപോകുമ്പോൾ യേശുദാസിന് 85 വയസ്സ് പൂർത്തിയായിരിക്കുന്നു എന്നർത്ഥം.

ഏതൊരാളും 84 വയസ്സ് പൂർത്തിയാകുമ്പോൾ ആയിരം പൂർണ്ണചന്ദ്രന്മാരെ കണ്ടുകഴിഞ്ഞുവെന്ന് ജീവിതം പറയുന്നു. അതിന് "ശതാഭിഷേകം എന്നാണ് നാമം. ശതാഭിഷേകത്തിന്റെ ആഘോഷങ്ങൾ മലയാള സിനിമാ പ്രവർത്തകരുമായി വീഡിയോകാളിലൂടെ പങ്കിട്ടതിന്റെ ഓർമ്മകൾ മറക്കാറായിട്ടില്ല.

ഇക്കഴിഞ്ഞ ജനുവരി പത്താം തീയതി കോട്ടയത്തെ കുമാരനല്ലൂരിൽ തിരുവിഴ എന്ന വീട്ടിലേക്ക് രാത്രി പതിനൊന്ന് മണി കഴിഞ്ഞപ്പോൾ ഒരു ഫോൺ കാൾ വന്നു.