કોણ હશે શિવ સેનાનો અસલી હકદાર

હિંદુત્વવાદ અને મહારાષ્ટ્રની અસ્મિતાને સાથે લઈને બાબા સાહેબ ઠાકરે જે એક પત્રકાર હતા, તેમણે મુંબઈમાં ૭૦ ના દાયકામાં શિવસેનાની સ્થાપના કરી હતી અને ધીરેધીરે શિવસેનાએ પોતાનું અસ્તિત્વ મજબૂત બનાવ્યું હતું

- સુરેશચંદ્ર રોહરા

મહારાષ્ટ્રની સત્તાની ઊલટફેરની સાથે આજે એક સવાલ ગુંજી રહ્યો છે કે આખરે બાલા સાહેબ ઠાકરેએ બનાવેલી શિવસેનાનું અસલી હકદાર કોણ બનશે? દેશનો કાયદો, રાજકીય પાર્ટીના બંધારણ અને ચૂંટણીપંચનું ઊંટ આખરે કઈ બાજુ બેસશે?

જેવું કે અમે અને તમે જોયું છે કે શિવસેના પર ઉદ્વવ ઠાકરેનું વર્ચસ્વ અને અને મુખ્યમંત્રી પદના સોગંદ લેતા પહેલાં એકનાથ શિંદેનું બળવાખોર જૂથ ગાઈવગાડીને કહી રહ્યું હતું કે અસલી શિવસેના તો અમે છીએ.

આવો, આજે આપણે આ મહત્વપૂર્ણ મુદ્દા પર ચર્ચા કરીએ અને સમજવાની કોશિશ કરીએ કે આખરે શિવસેનાનું ભવિષ્ય શું હશે?

હિંદુત્વવાદ અને મહારાષ્ટ્રની અસ્મિતાને સાથે લઈને બાબા સાહેબ ઠાકરે જે એક પત્રકાર હતા, તેમણે મુંબઈમાં ૭૦ ના દાયકામાં શિવસેનાની સ્થાપના કરી હતી અને ધીરેધીરે શિવસેનાએ પોતાનું અસ્તિત્વ મજબૂત બનાવ્યું હતું, જેના સમય જતા સેંકડોહજારો સમર્થક બની ગયા. પરિણામે ગઈકાલ સુધી શિવસેના મહારાષ્ટ્રમાં કાલ સુધી ભાજપા માટે એક મોટા ભાઈની ભૂમિકા નિભાવતી હતી, પરંતુ છેલ્લા દિવસો દરમિયાન બંને પાર્ટી વચ્ચે જે તલવાર ખેંચાઈ છે, તેનાથી ભાજપા અને શિવસેના સામસામે આવી ગયા છે. ક્યારેક શિવસેના હાવી થઈ જાય છે તો ક્યારેક ભાજપા.