રાજનીતિના ગાળિયામાં દિલ્લીની અડધી સરકાર

મનીષ સિસોદિયાની ધરપકડ

- સુનીલ શર્મા

અરવિંદ કેજરીવાલની મજબૂત દિલ્લી સરકારમાં નાણાં, યોજના, શિક્ષણ, ભૂમિ અને ભવન, જાગૃતતા, સવા, શ્રમ, રાજગાર, ઊર્જા, લોકનિર્માણ વિભાગ, કલા અને સંસ્કૃતિ, ભાષા, આવાસ, શહેરી વિકાસ, જળ, સિંચાઈ અને પૂર નિયંત્રણ, ઈન્ડસ્ટ્રી, આબકારી, સ્વાસ્થ્ય ઉપરાંત બીજા ઘણા બધા મંત્રાલય સંભાળતા ઉપમુખ્યમંત્રી મનીષ સિસોદિયાની ૨૬ જાન્યુઆરી, ૨૦૨૩ ના રોજ દારૂના કૌભાંડના કેસમાં સીબીઆઈએ ધરપકડ કરી લીધી હતી.

મંત્રાલયોના દૃષ્ટિકોણથી દિલ્લીની અડધી સરકાર ચલાવતા મનીષ સિસોદિયાને આ વાતની જાણ કદાચ પહેલાંથી થઈ ગઈ હતી, તેથી સીબીઆઈ કાર્યાલય રવાના થતા પહેલાં તેમણે દિલ્લીવાસીઓના નામે એક પત્ર લખ્યો હતો.

આ પત્રમાં મનીષ સિસોદિયાએ કોઈનું નામ લીધા વિના કહ્યું હતું કે આ લોકો આજે મારી ધરપકડ કરવાના છે. તેમણે મારી પર જૂઠા આરોપ લગાવ્યા છે. મને વિશ્વાસ છે કે બધા કેસ અદાલતમાં રદ કરી દેવામાં આવશે, પરંતુ તેમાં થોડો સમય લાગી શકે છે. શક્ય છે કે મારે થોડા સમય માટે જેલમાં રહેવું પડે, પરંતુ હું તેને લઈને બિલકુલ ચિંતિત નથી.

મનીષ સિસોદિયાનું આ લોકો કહેવું એક મોટો ઈશારો છે કે કેવી રીતે દેશની કેન્દ્ર સરકાર દિલ્લીમાં આમ આદમી પાર્ટીને નબળી પાડવા માટે સરકારી એજન્સીનો સહારો લઈ રહી છે અને દિલ્લીમાં શિક્ષણને ઉત્તમ બનાવવા માટે ખૂબ મોટી ચળવળ ચલાવતા ઈમાનદાર ઉપમુખ્યમંત્રી પર મોટો હુમલો કરવામાં આવ્યો છે.