അതിജീവനം ട്രാക്ടറിൽ

കൃഷി എന്ന അത്താണി

- രജീഷ് നിരഞ്ജൻ

ഇച്ഛാശക്തി കലപ്പയാക്കിയ ഉഴവുകാരനാണ് സന്തോഷ്. ജന്മനാ കേൾവിശക്തിയും സംസാരശേഷിയുമില്ലായിരുന്നെങ്കിലും ശബ്ദ ശൂന്യതയിൽ ഒതുങ്ങിക്കൂടാൻ അദ്ദേഹം തയാറല്ലായിരുന്നു. വൈകല്യങ്ങളെ മറികടക്കാനുള്ള ശ്രമത്തിലാണ് ട്രാക്ടർ  സന്തോഷിന്റെ ശ്രദ്ധയിൽ പെടുന്നത്.

മക്കളുടെ വിദ്യാഭ്യാസത്തിനും ജീവിതചെലവിനും കൂടുതൽ പണം കണ്ടെത്തുന്നതിനു ട്രാക്ടർ തുണയാകുമെന്നു സന്തോഷിനു തോന്നി. 7 ലക്ഷം രൂപ കേരള സ്റ്റേറ്റ് ഹാൻഡി ക്യാപ്ഡ് പഴ്സൻസ് വെൽഫെയർ കോർപറേഷനിൽ നിന്ന് വായ്പ എടുത്ത് ട്രാക്ടർ വാങ്ങി. ട്രാക്ടർ വാങ്ങിയതറിഞ്ഞ് തൊട്ടടുത്ത വയലുകളിൽ ഉഴവിന് വിളിച്ചുതുടങ്ങി. ക്രമേണ മികവുറ്റ വരുമാനമാർഗം സന്തോഷിനു മുന്നിൽ തുറന്നു.