പാറപ്പുറത്തെ നൂറുമേനി

കൃഷിയോഗ്യമല്ലാതിരുന്ന പുരയിടത്തെ പച്ചക്കറിയും കൂണും കുരുമുളകും കൃഷി ചെയ്ത് വിളസമൃദ്ധമാക്കി മികച്ച വരുമാനം നേടുകയാണ് ഭാഗ്യരാജ്

നിറയെ കല്ലും പാറയുമുള്ള 63 സെന്റ് കുന്നിൻ ചെരിവ്. അതിൽ ഭാര്യ മഞ്ജുള വീതം കിട്ടിയ 21 സെന്റ് ഭൂമിയിൽ താമസം തുടങ്ങുമ്പോൾ ഭാഗ്യരാജ് എന്ന മേസ്തിരി പണിക്കാരനു കൃഷിവിദൂരചിന്തയിൽ പോലുമുണ്ടായിരുന്നില്ല. കിടന്നുറങ്ങാൻ ഇത്തിരി മണ്ണ് - ചെറിയ പുരയിടങ്ങളെക്കുറിച്ച് എല്ലാവർക്കുമുള്ള ചിന്ത മാത്രമാണ് അവർക്കുമുണ്ടായിരുന്നത്. അങ്ങിങ്ങായി ഏതാനും കാപ്പിച്ചെടികളുടെ കുറ്റികളും രണ്ടോ മൂന്നോ മരങ്ങളും മാത്രമുള്ള പാറക്കൂട്ടത്തിൽ കൃഷി ചെയ്ത് എന്തു നേടാൻ അതും മറ്റൊരു വരുമാനമുള്ളപ്പോൾ, എന്നാൽ അധ്വാനശീലമുള്ള കുടുംബത്തിനു പാറക്കെട്ടിൽ പോലും പലതും നേടാനാവുമെന്ന് ഇന്ന് ഇവർ കാണിച്ചുതരുന്നു. താമസമാക്കിയ കാലം മുതലുള്ള അധ്വാനത്തിലൂടെ പാറപ്പുറത്ത് ഒരു മികച്ച കൃഷിയിടമൊരുക്കി ഇവർ കല്ലുകൾ അടുക്കി കൃഷിയിടം പല തട്ടുകളാക്കുകയാണ് ആദ്യം ചെയ്തത്. ഈ തട്ടുകളിൽ മണ്ണും വവസ്തുക്കളും ചേർത്ത് തൈകൾ പാകി.മണ്ണിന് ആഴം കുറവായതിനാൽ  പച്ചക്കറികളാണ് കൂടുതലും കൃഷി. ഇതു കൂടാതെ, കല്ലുകയ്യാലകളുടെ മീതെയും പൊട്ടിച്ചുനീക്കാനാവാത്ത പാറക്കെട്ടിനു മീതെയും ഗ്രോബാഗുകളിൽ മണ്ണു നിറച്ച് പച്ചക്കറി നട്ടു. ആകെ 250 ഗ്രോബാഗുകളിലാണ് ഇ പ്പോൾ കൃഷി. വാഗമണ്ണിലെ സവിശേ ഷ കാലാവസ്ഥയിൽ തക്കാളിയും കാ ബേജും കോളിഫ്ലവറും ബീൻസും മുള കുമൊക്കെ തഴച്ചു വളരുന്നു. കോളിഫ്ലവറും കാരറ്റുമൊക്കെ വീട്ടാവശ്യത്തിനു മാത്രം. ഹരിതസമൃദ്ധമായ പുരയിടം ഇതുവഴി പോകുന്ന വിനോദസഞ്ചാരികളുടെയും നാട്ടുകാരുടെയും ശ്രദ്ധയിൽ പെടും. തികച്ചും ജൈവരീതിയിലുണ്ടാക്കുന്ന പച്ചക്കറി വാങ്ങാൻ ആളുകളെത്തിയത് അങ്ങനെയാണ്. സഞ്ചാരികൾ ഉയർന്ന വിലയ്ക്കു പച്ചക്കറി വാങ്ങാൻ മടിക്കാറില്ല. 80 രൂപയ്ക്കാണ് ഇപ്പോൾ ഓർഗാനിക് ബട്ടർ ബീൻസ് വിൽക്കുന്നത്. ആഴ്ചതോറും കുറഞ്ഞത് 30 കിലോ പച്ചക്കറി ശരാശരി കിട്ടുന്നതായാണ് ഭാഗ്യരാജിന്റെ കണക്ക്. ജൈവ പച്ചക്കറികളുടെ നേരിട്ടുള്ള വിൽപനയിലൂടെ ആഴ്ചയിൽ 2200 രൂപവരെ കിട്ടുന്നു.