കരടിപോലെ അകിറ്റ

 കൂറും കുറുമ്പും ജന്മസ്വഭാവം

- ഐബിൻ കാണ്ടാവനം

നായപ്രേമികൾക്ക് ഒരിക്കലും  മറക്കാനാവാത്ത പേരാണ് ഹാച്ചിക്കോ. അളവറ്റ കൂറ് വെളിവാക്കും വിധം നീണ്ട 9 വർഷങ്ങൾ ഉടമയെ കാത്തിരുന്നതാണ് ഹാച്ചിക്കോ എന്ന നായയ്ക്ക് ലോകമെമ്പാടുമുള്ള നായപ്രേമികളുടെ മനസ്സിൽ ഇടം നേടിക്കൊടുത്തത്. അകിറ്റ എന്ന ജാപ്പനീസ് ഇനത്തിൽപ്പെട്ടതായിരുന്നു ഹാച്ചിക്കോ. ഹാച്ചിക്കോയെ ലോകം ഓർക്കുമ്പോൾ ഒപ്പം ഓർമിക്കപ്പെടുന്നത് അകിറ്റ എന്ന ജനുസ്സു കൂടിയാണ്.

ഉത്തര ജപ്പാനിലെ മലനിരകളിൽ ഉരുത്തിരിഞ്ഞുവന്നതാണ് അകിറ്റ. ഇന്ന് പ്രധാനമായും 2 സ്‌ട്രെയിനുകളിൽ ഇവ പ്രചാരത്തിലുണ്ട് - ശുദ്ധ ജനുസ്സായ ജാപ്പനീസ് സ്‌ട്രെയിനും സങ്കര ജനുസ്സായ അമേരിക്കൻ സ്‌ട്രെയിനും.