രോഗങ്ങളെ ചെറുക്കാൻ ഗ്രാഫ്റ്റ് തൈകൾ

വഴുതന, തക്കാളി, മുളക് എന്നിവയ്ക്കു കടുത്ത ഭീഷണിയായ വാട്ടരോഗത്തെ ചെറുക്കാൻ ഗ്രാഫ്റ്റ് തൈകൾ

- ഡോ. സി. നാരായണൻകുട്ടി

കേരളം പോലെയുള്ള ഉഷ്ണമേഖലാ പ്രദേശങ്ങളിൽ പച്ചക്കറി വിളകൾക്കു വ്യാപകമായി കാണുന്ന രോഗമാണ് ബാക്ടീരിയൽ വാട്ടം. സമുദ്രത്തോട് ചേർന്നു കിടക്കുന്ന തീരപ്രദേശങ്ങളിലെ അമ്ലതയേറിയ മണ്ണിൽ കൂടുതലായും കണ്ടുവരുന്ന, റാൽസ്റ്റോണിയ സൊളാനേഴ്സിയാരം എന്ന ബാക്ടീരിയ ആണ് വാട്ട രോഗമുണ്ടാക്കുന്നത്. ചെടികളുടെ വേരുകൾക്കും മറ്റുമുണ്ടാകുന്ന ചെറിയ മുറിവുകളിലൂടെ ചെടികളിൽ കടക്കുന്ന ബാക്ടീരിയ പെറ്റുപെരുകി ചെടികൾ വളവും വെള്ളവും വലിച്ചെടുക്കുന്നതിനെ തടസ്സപ്പെടുത്തുന്നു. നല്ല ആരോഗ്യത്തോടെ നിൽക്കുന്ന ചെടികൾ ഇതുമൂലം പെട്ടെന്ന് വാടി നശിച്ചു പോകുന്നു.