തത്തകളിലെ തൊപ്പിക്കാർ

റജിസ്ട്രേഷൻ നിർബന്ധം

- ഐബിൻ കാണ്ടാവനം

പ്രകൃതിയിലെ നിറങ്ങളാകെ ചിറകുകളിൽ നിറച്ച തത്തകൾ. കാലങ്ങളായി മനുഷ്യർ അരുമയായി വളർത്തുന്ന പക്ഷിഗണം. ലോകത്താകെ നാലു കുടുംബ =ങ്ങളിൽ നൂറോളം ജനുസ്സുകളിലായി നാനൂറിലേറെയിനം തത്തകളുണ്ട്. ചിലത് സംസാരിക്കാനുള്ള കഴിവുകൊണ്ടും സ്വഭാവം കൊണ്ടും ലോകവ്യാപകമായി അരുമയായി വളർത്തപ്പെടുന്നു. മക്കാവ്, കോക്കറ്റു, ആഫ്രിക്കൻ ഗ്രേ തുടങ്ങിയവയെല്ലാം സംസാരിക്കാനുള്ള കഴിവുകൊണ്ട് ലോകശ്രദ്ധ നേടിയ വലിയ ഇനങ്ങളാണ്. ഇവയിൽ പലതും വംശനാശ ഭീഷണി നേരിടുന്നതുകൊണ്ട് ഇന്ത്യയിൽ വളർത്തുമ്പോൾ കേന്ദ്ര വനം പരിസ്ഥിതി മന്ത്രാലയത്തെ അറിയിച്ച് റജിസ്റ്റർ ചെയ്തിരിക്കണം.