പുതിയ രൂപഭാവങ്ങളിൽ നാടൻ പൂച്ചെടികൾ

ചെത്തി, ചെമ്പരത്തി, നന്ത്യാർവട്ടം, മരമുല്ല, ഗന്ധരാജൻ തുടങ്ങിയ നാടൻചെടികളുടെ സങ്കര, മിനിയേച്ചർ ഇനങ്ങൾക്കു പ്രിയമേറുന്നു

- പൂന്തോട്ടം ജേക്കബ് വർഗീസ് കുന്ത ഫോൺ: 9447002211 Youtube Channel: JACOBINTE UDHYANAM

 ചെത്തി, ചെമ്പരത്തി, നന്ത്യാർവട്ടം, മരമുല്ല, ഗന്ധരാജൻ തുടങ്ങിയ നാടൻ ചെടികളോടു പുഷ്പ പ്രേമികളുടെ ഇഷ്ടം ഒരിക്കലും തീരുന്നില്ല. കൂടുതൽ വർണ, വലുപ്പ വൈവിധ്യമുള്ള പൂക്കളുണ്ടാകുന്ന സങ്കരയിനങ്ങൾ വന്നതോടെ പൂന്തോട്ടത്തിലെ താരങ്ങളായി ഇന്നും നാടൻ ചെടികൾ വിലസുന്നു.

പല നിറത്തിൽ പൂക്കൾ ഉണ്ടാകുന്നതും അധികം ഉയരം വയ്ക്കാത്തതുമായതിനാൽ ഇവയുടെ സങ്കരയിനങ്ങൾക്ക് ആവശ്യക്കാരേറെയാണ്. ചട്ടിയിൽ വളർത്താനും പൂട മൊരുക്കാനും അതിർവേലിക്കായുമെല്ലാം പറ്റിയ നാടൻ ചെടിയിനങ്ങൾ നഴ്സറികളിൽ സുലഭം. എല്ലാം തന്നെ കമ്പു മുറിച്ചു നട്ടു വളർത്താനും പറ്റും. 4-5 മണിക്കൂർ നേരിട്ട് വെയിൽ കിട്ടുന്നതും വെള്ളം ഏറെ നേരം തങ്ങി നിൽക്കാത്തതുമായ ഇടങ്ങളിൽ നാടൻ പൂച്ചെടികളെല്ലാം തന്നെ വളർത്താം. ചാണകപ്പൊടി, ആട്ടിൻകാഷ്ഠം പോലുള്ള വളങ്ങൾ കൊടുത്താൽ മതി നന്നായി പൂവിടുകയും ചെയ്യും.

ചെത്തി