പൂ വേണം പൂപ്പൊലി വേണം

ഓണവിപണി ലക്ഷ്യമിട്ടു പുഷ്പകൃഷി സംസ്ഥാനത്ത് വർധിക്കുന്നു

കേരളത്തിൽ ഓർക്കിഡ്, ആന്തൂറിയം, കുറ്റിമുല്ലക്ക കൃഷികളുടെ പുഷ്കല കാലം അസ്തമിച്ചെങ്കിലും ഓണ പൂക്കൃഷിയിൽ മുന്നേറ്റം. അത്തപ്പൂക്കളത്തിനും മറ്റ് അലങ്കാരങ്ങൾക്കുമായി ഓണക്കാലത്ത് സംസ്ഥാനത്തിന്റെ വിവിധ ഭാഗങ്ങളിൽ കുടുംബശ്രീ പോലുള്ള കൂട്ടായ്മകളും കർഷകരും ഇന്ന് വിപുലമായിത്തന്നെ ചെണ്ടുമല്ലിക്കൃഷി ചെയ്യുന്നുണ്ട്. മുൻപ് വെറും കൗതുകത്തിലൊതുങ്ങിയിരുന്നെങ്കിൽ ഇപ്പോഴത് മികച്ച വരുമാന കൃഷിയായിത്തന്നെ വളരുകയാണ്.