മറയൂരിൽ ഇപ്പോൾ അടയ്ക്കയാണ് താരം

കരിമ്പും ചന്ദനവും വിട്ട് മറയൂരിലെ കർഷകർ കമുകുകൃഷിയിലേക്ക്

മറയൂരിലെ കരിമ്പുകൃഷിയെക്കുറിച്ചും അതിൽനിന്നെടുക്കുന്ന ശർക്കരയെക്കുറിച്ചും നമുക്കറിയാം. മറയൂർ ചന്ദനവും പ്രസിദ്ധം . ശീതകാല പച്ചക്കറികൾക്കും ഇവിടം നല്ലതുതന്നെ. എന്നാൽ, മറയൂരിൽ സ്ഥലം വാങ്ങിയ പാലാ സ്വദേശി ജോസ് ചുങ്കപ്പുര മുതൽ മുടക്കിയത് കമുകിലാണ്. താൻ മാത്രമല്ല, ഈ മേഖലയിലെ കൃഷിക്കാരിൽ നല്ല പങ്കും ഇപ്പോൾ കരിമ്പും ചന്ദനവുമൊക്കെ വിട്ട് കമുകിനു പിന്നാലെയാണെന്നു ജോസ് പറയുന്നു. ഏതാനും വർഷങ്ങളായി അടക്കയ്ക്ക് മികച്ച വില കിട്ടുന്നുണ്ടെന്നത് സത്യം. എന്നാൽ മഴനിഴൽ പ്രദേശമായ മറയൂരിൽ ഏറെ ജലം വേണ്ട കമുകുകൃഷി ചെയ്യുന്നത് ബുദ്ധിയാണോ? സമുദ്രനിരപ്പിൽനിന്ന് 3000 അടി ഉയരത്തിലുള്ള മറയൂരിൽ മാത്രമല്ല, കേരളമാകെ ഇപ്പോൾ കമുകുകൃഷിയോടു കാ ണിക്കുന്ന ആവേശം യാഥാർഥ്യബോധത്തിനു നിരക്കുന്ന താണോ? ഈ ചോദ്യങ്ങൾക്ക് ജോസിനു മറുപടിയുണ്ട്.

ആദായസ്ഥിരത