മനം നിറച്ച് മസഞ്ചിയാന

ഇടവിളയായി കട്ഫോളിയേജ് കൃഷി

മികച്ച സാധ്യതയുണ്ടായിട്ടും പ്രയോജനപ്പെടുത്താതെ പോയ മേഖലയാണ് കേരളത്തിൽ കട്ഫോളിയേജിന്റേത്. അലങ്കാരങ്ങളിൽ കട്ഫ്ലവറുകൾക്കൊപ്പമോ അതിലധികമോ പ്രാധാന്യമുണ്ട് ഇലകൾക്കും (കട്ഫോളിയേജ്). നമുക്കാവശ്യമായ കട്ഫ്ലവറുകളും കട്ഫോളിയേജുകളും ഏതാണ്ടു മുഴുവനും ബെംഗളൂരുവിൽനിന്നും ഊട്ടിയിൽ നിന്നുമാണ് എത്തുന്നത്. കട്ഫ്ലവർ ഇനങ്ങൾ പലതും കേരളത്തിൽ കൃഷി ചെയ്യാൻ പല ശ്രമങ്ങളും നടന്നിട്ടുണ്ട്. വിജയിച്ചവരും കൃഷി തുടരുന്നവരും പക്ഷേ അത്യപൂർവം. പോളിഹൗസ്  കൃഷിയുടെ കൂടിയ ചെലവും ഈർപ്പം കൂടിയ കാലാവസ്ഥയുമൊക്കെയാണ് പുഷ്പകൃഷിയിൽ നമുക്കു തടസ്സം. അതേസമയം ഇടവിളയായി ചെയ്യാവുന്നതും നമ്മുടെ കാലാവസ്ഥയിൽ മികച്ച ഫലം നൽകുന്ന തുമായ അലങ്കാര ഇലച്ചെടികൾക്കു നാം വേണ്ടത്ര ശ്രദ്ധ കൊടുത്തിട്ടുമില്ല. ഈ സാധ്യത പ്രയോജനപ്പെടുത്തി അലങ്കാര ഇലയിനങ്ങളുടെ കൃഷിയും വിദേശവിപണിയും കൈപ്പിടിയിലൊതുക്കുന്നു മലപ്പുറം വേങ്ങര ഊരകത്തുള്ള നിഷ ടീച്ചർ. ഹയർ സെക്കൻഡറിയിൽ ഇക്കണോമിക്സ് അധ്യാപികയായ ടീച്ചറുടെ കയ്യിൽ ഇലവിപണിയുടെ സാമ്പത്തികശാസ്ത്രം ഭദ്രം.