അമ്മ കോവൽ, അമ്മാവൻ മത്തങ്ങ

കൃഷിവിചാരം

- കെ.ആർ. പ്രമോദ് Gonoms: 9447809631 ഇ- മെയിൽ: krpramodmenon@gmail.​com

ബാലൻമാഷും ശാരദടീച്ചറും നഗരത്തിലെ സ്കൂളിൽ നിന്നു റിട്ടയർ ചെയ്തശേഷം നാട്ടിൻപുറത്തെ തറവാട്ടിലേക്കാണ് മടങ്ങിയത്. ഇനിയുള്ള കാലം കുറച്ചു കൃഷിയുമൊക്കെയായി കഴിയാമെന്നായിരുന്നു തീരുമാനം. അടഞ്ഞുകിടന്ന കുടുംബവീട് വൃത്തിയാക്കി. കിണറും കുളവും തേകി.

പഴയ പശുക്കൂടും ചാണകക്കുഴിയും നന്നാക്കി. ഇതൊന്നും പോരാഞ്ഞ് മാവും പ്ലാവും അത്തിയും ഇത്തിയും ആര്യവേപ്പുമൊക്കെ അതിരിട്ടുനിൽക്കുന്ന കൃഷിയിടത്തിനു പുതിയ പേരും നൽകി - നൈമിശാരണ്യം! ജീവിതത്തിൽ ശേഷിക്കുന്ന നിമിഷങ്ങളുടെ നടുതല കളും തണലും തണുപ്പും നിറഞ്ഞ ആരണ്യം! വൃദ്ധ ദമ്പതികളുടെ വാനപ്രസ്ഥത്തിന് ഉചിതമായ സ്ഥലം!

പച്ചക്കറിത്തോട്ടം ഒരുക്കുകയാണ് ആദ്യം ചെയ്തത്. പറമ്പിലെ കാടും പടലും വെട്ടിത്തെളിച്ചു. മണ്ണ് കിള ച്ചൊതുക്കി കുമ്മായവും ചാണകവും ചാരവുമിട്ടു, നീളത്തിൽ വേലി കെട്ടി ചതുരത്തിൽ പന്തലിട്ടു, വട്ടത്തിൽ കുഴിയെടുത്തു. പത്താമുദയത്തിലെ ശുഭമുഹൂർത്തത്തിൽ മാഷും ടീച്ചറും ചേർന്ന് പാവലും പയറും വഴുതനയും വിത്തു പാകി. കാച്ചിലും ചേമ്പും ചേനയും നട്ടു. ഒട്ടുമാവുകളും പ്ലാവുകളും കുഴിച്ചുവച്ചു.

പടിഞ്ഞാറേ തേവർ കനിയണം