കരളിനെ കാക്കാൻ ഭക്ഷണം

നാരങ്ങ അടങ്ങിയ ആഹാരം കരളിലെ കൊഴുപ്പിനെ കുറയ്ക്കാൻ സഹായിക്കുന്നു. പഴങ്ങൾ, ഇലക്കറികൾ, പച്ചക്കറികൾ, എന്നിവ ധാരാളമായി ഭക്ഷണത്തിൽ ഉൾപ്പെടുത്താം. അവക്കാഡോ കരളിൽ നിന്നും വിഷവസ്തുക്കളെ നീക്കം ചെയ്യാൻ സഹായിക്കുന്നു. വെളുത്തുള്ളി കരളിന്റെ ആരോഗ്യത്തിനു വളരെ നല്ലതാണ്. ഇതിലടങ്ങിയിരിക്കുന്ന പ്രകൃതിദത്ത സംയുക്തങ്ങൾ ശരീരത്തിൽ രോഗപ്രതിരോധശേഷി കൂട്ടി കരളിലടിയുന്ന കൊഴുപ്പിനെ കുറച്ചുനിർത്താൻ സഹായിക്കുന്നു.

- പ്രീതി ആർ നായർ ചീഫ് ക്ലിനിക്കൽ ന്യൂട്രീഷനിസ്റ്റ് എസ്.യു.ടി. ആശുപത്രി പട്ടം, തിരുവനന്തപുരം

കരളിൽ അമിതമായി കൊഴുപ്പടിയുന്നതാണ് ഫാറ്റിലിവർ. ഇത് ഒരു ജീവിതശൈലി രോഗമാണ്. ഇത് രണ്ടു തരത്തിലുണ്ട് - ആൽക്കഹോളിക്കും നോൺ ആൽക്കഹോളിക്കും. കരളിന്റെ പ്രവത്തനം മോശമാകുന്നത് മൊത്തത്തിലുള്ള ആരോഗ്യത്തെ ദോഷകരമായി ബാധിക്കും. അനിയന്ത്രിതമായ പ്രമേഹം, അമിതവണ്ണം, ഉയർന്ന കൊളസ്ട്രോൾ, തുടങ്ങിയവ മദ്യപിക്കാത്തവരിലെ ഫാറ്റി ലിവറിന് കാരണമാകുന്നു.