റെനവേഷൻ : ഇഷ്ടങ്ങളും ബജറ്റും ഒരുമിക്കണം

ശ്രദ്ധിച്ചില്ലെങ്കിൽ റെനവേഷൻ പോക്കറ്റ് കാലിയാക്കും. ഇഷ്ടങ്ങളും ബജറ്റും പൊരുത്തപ്പെടുന്ന രീതിയിൽ റെനവേഷൻ പ്ലാൻ ചെയ്യാം

വീട് പുതുക്കിപ്പണിയുമ്പോൾ ബജറ്റ് കയ്യിൽ നിൽക്കാതെ വരും. വ്യക്തമായ പ്ലാനിങ് ഉണ്ടെങ്കിൽ ബജറ്റിനു ള്ളിൽ നിന്നുകൊണ്ട് പുതുക്കിപ്പണിയാം കാലത്തിന്റെ മാറ്റത്തിന് അനുസരിച്ച് വീടിന്റെ മുഖച്ഛായയും മാറ്റിയെടുക്കാം എന്ന ചിന്തയുടെ പിൻതുടർച്ചയാണ് പുതുക്കിപ്പണിയൽ അഥവാ റെനവേഷൻ. വീട് പുതുക്കി പണിത് മാറ്റങ്ങൾ കൊണ്ടു വരുമ്പോൾ പലപ്പോഴും ബജറ്റിന് അനുസരിച്ച് കാര്യങ്ങൾ എളുപ്പമായി വരാറില്ല. ചിലർക്ക് പുതിയ വീട് പണിയുന്നതിനേക്കാൾ ചിലവാകും പൊളിച്ചുപണികൾക്ക്. വ്യക്തമായ പ്ളാനിങിന്റെ അഭാവവും അജ്ഞതയുമാണ് ഇതിന് കാരണം.

ആവശ്യങ്ങളെയും ബജറ്റിനെയും കൂട്ടിയിണക്കി വ്യക്തമായ പ്ളാനിങ് തയ്യാ റാക്കുകയാണ് റെനവേഷൻ വർക്കുകൾ ആരംഭിക്കുന്നതിന് മുൻപ് ആദ്യം ചെയ്യേണ്ടത്.

ആവശ്വമുണ്ടോ എന്നു ചിന്തിക്കണം

 പുതിയ മാറ്റങ്ങളെ നിരീക്ഷിക്കുമ്പോൾ വീട് പഴഞ്ചനായി എന്ന തോന്നലിൽ നിന്നുമാണ് പുതുമകൾ നിറയ്ക്കുവാനുള്ള ആഗ്രഹം ഉടലെടുക്കുന്നത്. നിലവിലുള്ള വീടിന്റെ ഘടനയ്ക്ക് റെനവേഷൻ ആവശ്യമുണ്ടോ എന്ന തീരുമാനമാണ് ആദ്യം കൈക്കൊള്ളേണ്ടത്.

പുതിയ വീട് നിർമ്മിക്കുന്നതിനേക്കാൾ ചിലവ് കുറച്ച്, മനസ്സിനിണങ്ങും വിധം വീടിനെ മാറ്റിയെടുക്കാൻ കഴിയും എന്ന ഉറച്ച വിശ്വാസം ഉണ്ടെങ്കിൽ മാത്രമേ റെനവേഷൻ വർക്കുകളുമായി മുന്നോട്ട് പോകാവൂ. വീടിന്റെ മുക്കാൽ ഭാഗം പൊളിച്ചു മാറ്റേണ്ടതോ ധാരാളം ഒത്തുതീർപ്പുകൾ ചെയ്യേണ്ടതോ ആയ രീതി പരീക്ഷിക്കുന്നത് കൈ പൊള്ളാൻ ഇടയാക്കും.

ഡിസൈൻ സാധ്യതകളെ ഉപയോഗ പ്പെടുത്തി റെനവേഷൻ മാജിക് സാധ്യമാണെങ്കിലും ആഗ്രഹവും ബജറ്റും ഇണങ്ങിപോകുമോ എന്ന കാര്യത്തിൽ

വ്യക്തമായ ധാരണ വേണം.

വീട് നിർമ്മാണം പോലെ തന്നെ വ്യക്തമായ പ്ലാനിങ് റെനവേഷൻ വർ കൾക്കും ആവശ്യമാണ്.

റെനവേഷൻ വർക്കുകൾക്ക് ഫണ്ട് ഒരു പ്രധാന ഘടകമായതിനാൽ അതിനെ അടിസ്ഥാനപ്പെടുത്തി വേണം ആവശ്യങ്ങളെ കൂട്ടിയിണക്കാൻ

വീടിന്റെ പഴക്കം പ്രധാനം