കുറഞ്ഞ ചെലവിൽ ജനാല

ജനാലകളിൽ പരീക്ഷണങ്ങൾ നടക്കുന്ന കാലമാണ്. ഇതാ, ചെലവു കുറച്ച് ജനൽ പണിയാനുള്ള നിർദേശങ്ങൾ...

വീടിന്റെ ശ്വാസകോശമാണ് ജനാലകൾ. വായുവും വെളിച്ചവും പകർന്നു നൽകി വീടിനു ജീവനേകുന്ന ജനാലകൾ നിസ്സാരക്കാരല്ല. പുതിയകാല വീടുകളിൽ അതുകൊണ്ടുതന്നെ ജനാലയ്ക്കു വലിയ സ്ഥാനമുണ്ട്.

ജനാലകൾ വീടിന്റെ ഭംഗിയിലും സ്വാധീനം ചെലുത്തുന്നതിനാൽ അവയുടെ ഡിസൈനിൽ നിരന്തരം പരീക്ഷണങ്ങൾ നടന്നു കൊണ്ടിരിക്കുന്നു. ഇത് ജനാലകളുടെ ചെലവ് കൂടാനും കാരണമാകുന്നു. അവിടെയാണ് കുറഞ്ഞ ചെലവിൽ ഭംഗിയും ഉപയോഗവും ഒത്തിണങ്ങിയ ജനലുകൾ പണിയാനുള്ള ആവശ്യം ഉരുത്തിരിയുന്നത്. കുറഞ്ഞ ചെലവിൽ ജനാല പണിയാനുള്ള വഴികൾ എന്തൊക്കെയെന്ന് നോക്കാം.

ജനലഴികൾ ലളിതമായി നൽകുക. ഒന്നുകിൽ ലംബം അല്ലെങ്കിൽ തിരശ്ചീനം ഏതെങ്കിലുമൊരു തരത്തിലുള്ള അഴികൾ മതി. ഇത് ചെലവു കുറയ്ക്കുന്നതിനൊപ്പം വൃത്തിയാക്കാനും പെയിന്റ് ചെയ്യാനും കാറ്റും വെളിച്ചവും കാഴ്ചയും കിട്ടാനും സഹായിക്കുന്നു.

ജനാലകളിലെ അലങ്കാരപ്പണികളും കൊത്തുപണികളും കഴിവതും ഒഴിവാക്കുക. വൃത്തിയാക്കാനും ഇതാണ് എളുപ്പം. എന്നു മാത്രമല്ല പുതിയ ട്രെൻഡും മിനിമൽ ജനാലകളാണ്.