അക്കൗണ്ടിൽ പണമുണ്ടേൽ എലി മൂന്നാറിൽനിന്നും വരും

പഴുതുപയോഗിച്ച് പണം വസൂലാക്കാനുള്ള നമ്മുടെ വിരുതിനെ വെല്ലാൻ ആർക്കുമാവില്ല. ആളുകൾ എന്തിനാണ് ഇത്തരം കുറുക്കുവഴികൾ സ്വീകരിക്കുന്നത്?

- കെ. കെ. ജയകുമാർ

ആഫ്രിക്കൻ രാജ്യങ്ങളിലുള്ളവരുടെ ബുദ്ധി സമ്മതിക്കണം. തട്ടിപ്പിന് എത്രയെത്ര നൂതന മാർഗങ്ങളാണ് കണ്ടുപിടിക്കുന്നത്. ആധാറും ഇ-മെയിലും നൽകിയാലുടൻ ലോൺ നൽകാമെന്ന എസ്എംഎസ് കാട്ടി ഞാൻ സുഹൃത്തിനോടു പറഞ്ഞു. നമ്മുടെ കുബുദ്ധിയുമായി താരതമ്യം ചെയ്യുമ്പോൾ ഇതൊക്കെ എന്ത്? സുഹൃത്തു ചിരിയോടെ പറഞ്ഞു:

 "നാട്ടിൽ കൊച്ചു തട്ടിപ്പുകൾ നടത്തുമെന്നല്ലാതെ ഇന്റർനാഷനൽ ഫ്രോഡ് നടത്താനുള്ള ആംബിയൻസ് വല്ലതും നമുക്ക് ഉണ്ടോ?' "നിലവിലെ സംവിധാനങ്ങളിലെ പഴുതുപയോഗിച്ച് പണം വസൂലാക്കാനുള്ള നമ്മുടെ വിരുതിനെ വെല്ലാൻ ആരുമില്ല.' സുഹൃത്തു ചിരിച്ചു. “എടിഎമ്മിൽ നിന്നു വരുന്ന പണം നമ്മൾ എടുത്തില്ലെങ്കിൽ ഇപ്പോൾ മെഷീനിലേക്കു തിരികെ പോകില്ല. എന്താ കാരണം?' ഞാൻ അറിയില്ല എന്നു തലയാട്ടി.