സഞ്ചി വിറ്റു മാസം രണ്ടു ലക്ഷം വരുമാനം

ബാഗ് സ്റ്റിച്ചിങ് യൂണിറ്റിൽ ജോലി ചെയ്ത പരിചയവുമായി സ്വന്തം സംരംഭം ആരംഭിച്ച മുത്തു രാജേഷ്കുമാർ, എസ്എസ് ബാഗ്സിൽ ഇന്ന് 24 പേർക്കു തൊഴിൽ നൽകുന്നു.

- ടി എസ് ചന്ദ്രൻ

ഇത് മുത്തു രാജേഷ്കുമാർ. നെറ്റിയിൽ ചന്ദനക്കുറിയും കായം സഞ്ചിയിൽ ഉച്ചഭക്ഷണവും തൂക്കി ലൂണാറിന്റെ സ്കൂട്ടറിൽ വന്നിറങ്ങുന്നതു കണ്ടാൽ ഒരു വ്യവസായിയാണെന്ന് ആരും പറയില്ല. 24 പേർക്കു നേരിട്ടു തൊഴിൽ നൽകുന്ന ഒരു സംരംഭം നടത്തുകയാണ് മുത്തു. പാലക്കാട് മീനാക്ഷിപുരത്താണ് എസ്എസ് ബാഗ്സ് (S S Bags) എന്ന ഇദ്ദേഹത്തിന്റെ സംരംഭം.

എന്താണു ബിസിനസ്?

ക്യാരി ബാഗുകൾ, ബിഗ്ഷോപ്പർ ബാഗുകൾ എന്നിവയാണ് പ്രധാന ഉൽപന്നങ്ങൾ. തുണി ജൂട്ട്, നോൺ തൂവൻ ബാഗുകളാണ് (90 GSM മുതൽ) പ്രധാന ഇനങ്ങൾ. ഓർഡർ ലഭിക്കുന്നതിന് അനുസരിച്ച് മറ്റു ബാഗുകളും നിർമിക്കും. കട്ടിങ് സ്റ്റിച്ചിങ്, ഹാൻഡിൽ ഫിക്സിങ്, പ്രിന്റിങ് എന്നിവയാണ് എസ്എസ് ബാഗ്സ് ചെയ്യുന്നത്.

എന്തുകൊണ്ട് ഈ ബിസിനസ്?

ബാഗ് സ്റ്റിച്ചിങ്  യൂണിറ്റിൽ ഏതാനും വർഷം ജോലി ചെയ്തു. സാങ്കേതികമായ അറിവു നേടി.

 വിപണിസാധ്യതകൾ മനസ്സിലായപ്പോൾ സ്വന്തം നിലയിൽ സംരംഭം തുടങ്ങുകയായിരുന്നു.

പ്രാദേശികമായി മത്സരം കുറവാണ് എന്നതു കൂടി പരിഗണിച്ചായിരുന്നു ബാഗ് നിർമാണം തിരഞ്ഞെടുത്തത്.

സാധനങ്ങൾ തമിഴ്നാട്ടിൽനിന്ന്