നിങ്ങൾക്കും തുടങ്ങാം ഹോംസ്റ്റേ

ട്രാവൽ സ്പെഷ്യൽ

- അമൽ എസ്.

ഫോർട്ട് കൊച്ചിയിൽനിന്നു തീരദേശ റോഡു വഴി ആലപ്പുഴയ്ക്ക് യാത്ര ചെയ്തിട്ടുണ്ടോ? അവിടെയെല്ലാം ധാരാളം ഹോംസ്റ്റേകളുടെ ബോർഡുകൾ കാണാം. ഫോർട്ട് കൊച്ചി, മാരാരിബീച്ച്, കുമരകം, മൂന്നാർ എന്നീ ടൂറിസ്റ്റ് കേന്ദ്രങ്ങളിൽ ഹോംസ്റ്റേകൾ സ്വാഭാവികം. എന്നാൽ ഇന്നു ചെറുപ്രദേശങ്ങളിലും ഹോംസ്റ്റേകൾ വ്യാപകമാണ്. റിസോർട്ടുകളെക്കാൾ ബജറ്റ് ഫ്രണ്ട്ലി ആണെന്നതാണ് ഇവയുടെ മികവ്. വീട്ടിൽ തന്നെയോ വീടിനോടു ചേർന്നോ പ്രത്യേകം മുറികൾ തയാറാക്കി ഹോംസ്റ്റേ നടത്തുന്നവരുണ്ട്.

"കുമ്പളങ്ങി നൈറ്റ്സ്' സിനിമയിൽ ബേബിമോൾ നടത്തുന്ന ഹോംസ്റ്റേ ഓർമയില്ലേ? വർക്കലയിലൂടെ നടന്നാൽ എങ്ങനെയൊക്കെ ഹോംസ്റ്റേകളെ അണിയിച്ചൊരുക്കാം എന്ന ധാരണയും ലഭിക്കും.