Little Star avNi

സ്കൂളിൽ പഠനത്തിൽ മാത്രമല്ല അഭിനയത്തിലും പാട്ടിലുമൊക്കെ മുൻനിരയിലാണ് അവ്നി. ഒപ്പം 30ലേറെ വൻകിട ബ്രാൻഡുകളുടെ പരസ്യ മുഖവും..

അവ്നി സ്കൂളിലും നാട്ടിലും താരമാണ്. പരസ്യ ചിത്രങ്ങളിലും സിനിമയിലും കണ്ട് ആർക്കും പരിചിതമായ മുഖം. കുഞ്ഞു നാൾ മുതൽ നിറയെ സംസാരിച്ചും മുഖം നിറയെ ഭാവങ്ങൾ നിറച്ചും കുസൃതി കാണിച്ചു നടന്ന കുട്ടിയുടെ ടാലന്റ് മനസ്സിലാക്കിയിരുന്നു അമ്മ വി.എൽ.രഞ്ജിനി. ഇന്ന് 30ലേറെ വൻകി ട ബ്രാൻഡുകളുടെ പരസ്യ മുഖമാണ് അവനി എം. അയ്യർ. ആക്ടിങ്, ഡാൻസിങ്, പാട്ട് എന്നിവയാണ് അവനിയുടെ ഇഷ്ടങ്ങൾ.

അഞ്ചു വയസ്സു മുതൽ അഭിനയ രംഗത്ത്

അഞ്ചു വയസ്സു മുതൽ അവ്നി പരസ്യങ്ങളിൽ അഭിനയിക്കുന്നുണ്ട്. പരസ്യ മേഖലയിൽ ജോലിചെയ്യുന്ന അമ്മ രഞ്ജിനി നൃത്താധ്യാപിക കൂടിയാണ്. അമ്മയുടെ ഒരു സുഹൃത്ത് കാസ്റ്റിങ് ഏജൻസി തുടങ്ങിയപ്പോൾ അവരുടെ ആദ്യത്തെ പ്രൊഫൈലായി നൽകിയത് മകളുടേതായിരുന്നു. അങ്ങനെയാണ് ആദ്യമായി പരസ്യത്തിൽ മുഖം കാണിക്കുന്നത്.