ക്ലോസായി ശ്രദ്ധിക്കാം ക്ലോസറ്റ്

ക്ലോസറ്റ് പൊട്ടി അപകടം സംഭവിക്കുമോ? അവ തിരഞ്ഞെടുക്കുമ്പോൾ അറിഞ്ഞിരിക്കേണ്ട, ശ്രദ്ധിക്കേണ്ട കാര്യങ്ങളിതാ...

വീട് നിർമിക്കുമ്പോൾ സൗകര്യം, ഉപയോഗക്ഷമത, ഭംഗി, കാഴ്ച എന്നിവക്കെല്ലാം ഏറെ പ്രാധാന്യം നൽകുന്നവരാണ് നമ്മൾ. മെറ്റീരിയലുകൾ തിരഞ്ഞെടുക്കുമ്പോൾ എല്ലാത്തിലും ഗുണമേന്മക്ക് ഏറെ കരുതൽ നൽകാറുണ്ട്. എന്നാൽ, ഗുണമേന്മയുൾ പ്പെടെയുള്ള കാര്യത്തിൽ മിക്കയാളുകളും അധിക ശ്രദ്ധ നൽകാതെ പോകുന്ന വീട്ടിലെ പ്രധാന നിത്യോപയോഗ സാധനങ്ങളുണ്ട്. അതിലൊന്നാണ് ക്ലോസറ്റ്. ഏത് വാങ്ങണം, എന്തെല്ലാം ശ്രദ്ധിക്കണം, ഫിറ്റിങ്സിൽ ശ്രദ്ധിക്കേണ്ടത്തുടങ്ങി പല കാര്യങ്ങളും അറിയാത്തവരാണ് മിക്കവരും. ക്ലോസറ്റ് തിരഞ്ഞെടുക്കുമ്പോൾ അറിഞ്ഞിരിക്കേണ്ട കാര്യങ്ങളിതാ...

സാധാരണ ഉപയോഗിക്കുന്ന വാട്ടർ ക്ലോസറ്റുകൾ

1. ഇന്ത്യൻ (Orissa pan) ക്ലോസൈറ്റ്

ആരോഗ്യത്തിന് ഏറ്റവും നല്ലത് ഇന്ത്യൻ ക്ലോസറ്റാണ്. വിട്ടിൽ ഒരു ഇന്ത്യൻ ക്ലോസറ്റ് എങ്കിലും വെക്കുന്നത് നല്ലതാണ്. കുട്ടികൾക്കും ഇതാണ് ഉത്തമം.

2. യൂറോപ്യൻ (European) ക്ലോസൈറ്റ്

ഏറെ ഡിമാൻഡുള്ളതും വ്യാപകമായി ഉപയോഗ ത്തിലുള്ളതുമാണിത്. എളുപ്പം ഉപയോഗിക്കാമെന്നതാണ് പ്രത്യേകത. ഇവയിൽ തന്നെ സെൻസറുകൾ ഘടിപ്പിച്ചവയടക്കം പല ഉപവിഭാഗങ്ങളും ഉണ്ട്

ഇതിൽ വൺ പീസ് ക്ലോസറ്റ് (one piece closet), വാൾ മൗഡ് ക്ലോസറ്റ് (wall mounted closet) എന്നിങ്ങനെ രണ്ടു വിഭാഗമാണുള്ളത്.

വൺ പീസ് ക്ലോസറ്റ്ഫ്ലഷ് ടാങ്കും ക്ലോസറ്റും ഒരുമിച്ചു വരുന്നതാണ്. സ്യൂട്ട് എന്നും അറിയപ്പെടാറുണ്ട്.

വൺപീസ് ക്ലോസറ്റിൽ ഉൾപ്പെട്ട വിഭാഗം ഇന്ത്യൻ രീതിയിൽ ഉപയോഗിക്കാവുന്ന യൂറോപ്യൻ ക്ലോസെറ്റാണിത്. ഇന്ത്യൻ ടോയ്ലറ്റിൽ ഇരിക്കുന്നതുപോലെ കയറിയിരുന്ന് ഉപയോഗിക്കാം.

വാൾ ഹാങ് ക്ലോസറ്റ്: ഫ്ലോർ മൗണ്ടിൽനിന്ന് വ്യത്യസ്തമായി ഭിത്തിയിലാണ് ഇത് സ്ഥാപിക്കുന്നത്. ടോയ്ലറ്റിന്റെ തറയിൽ സ്പർശിക്കുന്നില്ലെങ്കിലും ക്ലോസറ്റിന്റെയും അതിൽ ഇരിക്കുന്നയാളുടെയും ലോഡ് ഭിത്തിയിലേക്ക് ട്രാൻസ്ഫർ ചെയ്യും വിധം തന്നെയാണ് രൂപ കൽപന. ഇതിന്റെ ഫ്ലഷ് ടാങ്ക് ചുമരിന്റെ അകത്താണ് സ്ഥാപിക്കുന്നത്. സ്ഥല ലാഭത്തിനൊപ്പം ബാത്ത് റൂം ക്ലീൻ ചെയ്യാനും എളുപ്പമാണ്.

ശ്രദ്ധവേണം ഇക്കാര്യങ്ങളിൽ