ચોમાસામાં શું ખાવું અને શું ના ખાવું તે સમજવું જરૂરી

ચોમાસાની ઋતુ આવે એટલે બાળકો ગાતાં હોય છે કે, ‘આવ રે વરસાદ, ઢેબરિયો વરસાદ, ઊની ઊની રોટલી 'ને કારેલાંનું શાક', સાંભળવામાં સામાન્ય લાગતી આ વાત હકીકતમાં ચોમાસામાં કેવું ફૂડ ખાવું અને કેવું ના ખાવું તેની હકીકત દર્શાવે છે. આવો જાણીએ વર્ષાઋતુમાં શું ખાવું જોઈએ અને કેવો આહાર લેવાનું ટાળવું જોઈએ.

- હેતલ રાવ

પ્રત્યેક ઋતુ સાથે ખોરાકનું આગવું મહત્ત્વ જોડાયેલું છે. જેમ સિઝન બદલાય તેમ વ્યક્તિની ખાણીપીણીમાં પણ ફેરફાર થાય છે. ખાસ કરીને ચોમાસાના ચાર માસ દરમિયાન ખોરાકને લઈને દરેક વ્યક્તિ સચેત રહે છે, પરંતુ ઘણીવાર એ વાતનું ધ્યાન નથી રહેતું કે વરસાદી મોસમમાં કેવા ફૂડનો લુપ્ત ઉઠાવવો જોઈએ. ચોમાસામાં વરસાદમાં પલળીને ગરમ-ગરમ ચા પીવાનો આનંદ થતો હોય છે. એટલું જ જોખમ બીમારીઓ વધવામાં પણ રહેલું હોય છે. અનેક પ્રકારની બીમારી સામે રક્ષણ મેળવવાનો રામબાણ ઇલાજ યોગ્ય ખોરાક છે.

આ વિશે વાત કરતાં હોમિયોપેથી ડૉક્ટર દીપક વ્યાસ કહે છે કે, ‘ચોમાસાની સિઝન એટલે બીમારીની સિઝન. આ ઋતુમાં અનેક પ્રકારની બીમારીઓ અને ઇન્ફેક્શન લાગવાનો ભય રહેતો હોય છે, પરંતુ જો પહેલેથી જ સચેત થઈને રોજિંદી જીવનશૈલીમાં યોગ્ય આહારનો સમાવેશ કરો તો બીમારીની શક્યતા નહિવત્ થઈ જાય છે. જેમ કે ચોમાસામાં પ્રોટીન યુક્ત આહારનું મહત્ત્વ વધારે છે. તો સાથે ઉકાળા પીવાથી અનેક સમસ્યાઓનું સમાધાન થાય છે. તાજા ફળ, પ્રોબાયોટિકસ મળી રહે તેવા આહાર લેવા જરૂરી છે, પરંતુ એ વાતનું ખાસ ધ્યાન રાખવું જોઈએ કે જેમ ચોમાસામાં સ્વાસ્થ્ય માટે શું ખાવું જેટલું જરૂરી છે તેટલું જ મહત્ત્વનું શું ના ખાવું છે. જો આ વિશે વિસ્તૃત ચર્ચા કરીએ તો કેવો ખોરાક લેવો અને કેવો ના લેવોને બે ભાગમાં વિભાજિત કરી શકાય.’

આ ફૂડ ચોમાસા માટે યોગ્ય છે?

પ્રોટીન યુક્ત આહારઃ