સમલૈંગિક લગ્નઃ સુપ્રીમ કોર્ટ, પ્રાચીન ગ્રંથો અને શિલ્પ સ્થાપત્યો

હિન્દુ કાયદા અનુસાર પણ સમલૈંગિક લગ્ન અમાન્ય છે. ઇસ્લામમાં પણ લગ્ન એક પ્રકારનો કરાર છે, જે ફક્ત સ્ત્રી અને પુરુષ વચ્ચે જ શક્ય છે. ધર્મની દૃષ્ટિએ સમલૈંગિક લગ્ન પવિત્ર નથી

- ડો. જયેશ શાહ

સપ્ટેમ્બર ૨૦૧૮ પછી ફરી એક વખત સમલૈંગિક લગ્નને કાનૂની માન્યતા આપવાની માગ કરતી અરજીઓ પર ગઈકાલથી સર્વોચ્ચ અદાલતમાં સુનાવણી શરૂ થઈ છે. ચીફ જસ્ટિસ ચંદ્રચૂડ, જસ્ટિસ એસ.કે. કૌલ, જસ્ટિસ એસ. રવિન્દ્ર ભટ, જસ્ટિસ પી.એસ. નરસિમ્હા અને જસ્ટિસ હિમા કોહલી સહિતના પાંચ જજની બંધારણીય બેંચ આ અરજીઓ ૫૨ સુનાવણી કરી રહી છે.

અગાઉ સપ્ટેમ્બર ૨૦૧૮માં સુપ્રીમ કોર્ટની પાંચ સભ્યોની ખંડપીઠે સમલૈંગિકતાને અપરાધની શ્રેણીમાંથી દૂર કરી દીધી હતી. જેમાં જણાવવામાં આવ્યું હતું કે બે વયસ્ક વ્યક્તિ વચ્ચે પારસ્પરિક સંમતિથી બાંધવામાં આવેલા સમલૈંગિક સંબંધને હવે ગુનો ગણવામાં આવશે નહીં.

સુનાવણી દરમિયાન કેન્દ્ર સરકારે રજૂઆત કરી છે કે,

૦૧.) અદાલતો સમલૈંગિક લગ્નને માન્યતા આપી કાયદાની સંપૂર્ણ શાખાને ફરીથી લખી શકાય નહીં, કેમ કે નવી સામાજિક સંસ્થાની રચના ન્યાયિક નિર્ધારણના અધિકાર ક્ષેત્રની બહાર છે.

૦૨.) સમલૈંગિક લગ્નને કાયદેસર બનાવવાની ખરાબ અસર પડશે અને સુપ્રીમ કોર્ટમાં દાખલ કરાયેલી અરજીઓ સમગ્ર રાષ્ટ્રના વિચારોને પ્રતિબિંબિત કરતી નથી, પરંતુ માત્ર Urban Eliteના લોકોનાં મંતવ્યો દર્શાવે છે. તેને દેશના વિવિધ વર્ગો અને સમગ્ર દેશના નાગરિકોનાં મંતવ્યો ગણી શકાય નહીં.

૦૩.) હિન્દુ કાયદા અનુસાર પણ સમલૈંગિક લગ્ન અમાન્ય છે. ઇસ્લામમાં પણ લગ્ન એક પ્રકારનો કરાર છે, જે ફક્ત સ્ત્રી અને પુરુષ વચ્ચે જ શક્ય છે. ધર્મની દૃષ્ટિએ સમલૈંગિક લગ્ન પવિત્ર નથી.

૦૪.) લગ્ન એ એક સામાજિક સંસ્થા છે અને તે માત્ર સંસદ અને વિધાનસભાને જ કોઈ નવા અધિકારો બનાવવાનો કે સંબંધને માન્યતા આપવાનો અધિકાર છે અને તે ન્યાયતંત્રના અધિકારક્ષેત્રમાં નથી.

સુનાવણી દરમિયાન વિવિધ રસપ્રદ પ્રશ્નો બહાર આવી રહ્યા છે

સમલૈંગિક લગ્નને માન્યતા આપવામાં આવે અને તેમણે બાળક દત્તક લીધું તો તે પરિસ્થિતિમાં શું થશે? અલગ થવાની પરિસ્થિતિમાં બાળકના પિતા અને માતા કોણ હશે? ભરણપોષણ ભથ્થું કોણ આપશે? આ કારણોથી સમલિંગી યુગલો દ્વારા બાળકોને દત્તક લેવાની મંજૂરી ન હોવી જોઈએ. સમલૈંગિક પૅરેન્ટિંગ બાળકોની ઓળખને અસર કરી શકે છે. આ બાળકોનો સંપર્ક મર્યાદિત રહેશે અને તેમના સર્વાંગી વ્યક્તિત્વ વિકાસને અસર થશે.

સુનાવણી દરમિયાન સર્વોચ્ચ અદાલતના ચીફ જસ્ટિસે બહુ રસપ્રદ કોમેન્ટ કરી