પોલો નેકલાઇન, રેગલેન સ્ટાઇલ, બેગી સ્ટાઇલ - તમને કઈ સ્ટાઇલની ટી-શર્ટ સારી લાગશે?

શાહરુખ ખાન અભિનીત ‘કુછ કુછ હોતા હૈ’ ફિલ્મમાં શાહરુખે જે પ્રકારની ટી-શર્ટ પહેરી હતી તેનો ટ્રેન્ડ શરૂ થયો. સમય જતાં એ પ્રકારની ટીશર્ટ પહેરવામાં ઓટ પણ આવી

- હેતલ ભટ્ટ

યુવતીઓ અને મહિલાઓ માટેના ફેશન ટ્રેન્ડને લઈને અઢળક માહિતી ઉપલબ્ધ રહે છે, પણ મેન ફેશન એટલે કે પુરુષોના ફેશન ટ્રેન્ડ અંગે ખૂબ ઓછી માહિતી ઉપલબ્ધ બનશે. જોકે એવું નથી કે પુરુષોના વસ્ત્ર પરિધાનને લઈને કોઈ ફેશન ટ્રેન્ડ નથી કરતી. કોઈ એક વ્યક્તિએ જે ટ્રેન્ડનો ડ્રેસ પહેર્યો હોય એ બીજી વ્યક્તિના વ્યક્તિત્વને નિખારે એવું જરૂરી નથી હોતું. કહેવાય છે કે ડ્રેસ તો તમે કોઈ પણ પહેરો, બસ જરૂર હોય છે આત્મવિશ્વાસની. દરેક ડ્રેસ દરેક વ્યક્તિ માટે જ બન્યો હોય એવું જરૂરી પણ નથી. આવા સમયે વ્યક્તિએ પોતાના વ્યક્તિત્વ, પોતાના શારીરિક બાંધાને ઓળખીને ડ્રેસની પસંદગી કરવી જોઈએ.