ફેમિલી ઝોન બ્યુટી

આંખોની સુંદરતા વધારતી પાંપણોનું ધ્યાન કેવી રીતે રાખવું?

- હેતલ ભટ્ટ

લાંબી, કાળી, ભરાવદાર તેમ જ વળાંકવાળી પાંપણો વ્યક્તિની સુંદરતાને નિખારવાનું કામ કરે છે. અમુક વ્યક્તિઓની પાંપણો કુદરતી રીતે લાંબી અને ભરાવદાર હોય છે. જ્યારે અમુક વ્યક્તિઓની પાંપણો આછી હોય છે, તેમ જ ઓછી હોય છે. પાંપણોને લાંબી, કાળી અને ભરાવદાર દેખાડવા માટે વિધવિધ પ્રકારના બ્યુટી પ્રોડક્ટનો ઉપયોગ કરવામાં આવે છે. તેને કારણે કામચલાઉ રીતે તો પાંપણો સુંદર દેખાતી હોય છે, પરંતુ લાંબા ગાળે તે શુષ્ક બની જાય છે. કેટલીકવાર પાંપણના વાળ ખૂબ ખરવા લાગે છે. પાંપણ આછી થઈ જાય છે. તેના વાળ સફેદ થવા લાગે છે. એવા સમયે લોકો પાંપણોની સુંદરતા વધારવા માટે કૃત્રિમ પાંપણ એટલે કે નકલી આઇલેશનો ઉપયોગ કરતાં હોય છે. મસ્કરા જેવા બ્યુટી પ્રોડક્ટના ઉપયોગ થકી તેને વધુ કાળી અને સુંદર બનાવતાં હોય છે.