મછલી બનું જલ મેં રહૂં

આંખ ફાટી જાય એવો આંકડો એ છે કે મારિયો સાહેબે ૯૦૦૦ રાત્રિ શિપ પર વિતાવવાનો રેકૉર્ડ કર્યો છે

આપણે ત્યાં એક કાળે સંસારથી કંટાળેલા માણસો સાધુ થઈ જતા કે જંગલમાં ચાલ્યા જતા. વિદેશમાં પણ ઘણા લોકો કામધંધા ને રોજિંદી ઘટમાળથી કંટાળે તો ભળતે જ ઠેકાણે ચાલ્યા ગયા હોવાના અનેક દાખલા છે.

હમણાં મારિયો સેલ્સેડો નામના આવા જ એક માણસનો કિસ્સો ગાજ્યો છે. મારિયોભાઈ જાણીતી મલ્ટિનૅશનલ કંપનીમાં ફાઈનાન્સિયલ ઍડ્વાઈઝર હતા. ઠીક પગાર હતો, પણ જીવનનાં ૪૭મા વર્ષે એમને અચાનક બ્રહ્મજ્ઞાન લાધ્યું કે અરરર, યે જીના ભી કોઈ જીના હૈ, યારો..