હવે ક્યાંથી મળે મેહુલ

મેહુલભાઈનાં પ્રકાશિત પુસ્તકોમાં લલિત નિબંધો અર્થની વેણુ, શોધિનબંધ ન છડિયા હથિયાર, સંપાદનોમાં ભમ્મરિયા કૂવાને કાંઠડે અને કવિ કાગ કહે, કાવ્યસંગ્રહોમાં પ્રવાહ, ક્ષણ, એ જ લખવાનું તને, વાયરો ડોલરવન, પ્રાગડ, અશ્રુપર્વ, કમળપૂજા અને સોણલાંનો સમાવેશ થાય છે

- હિતેન આનંદપરા

તને સલૂણી દીધા રાગ રંગ કલશોરી

ગમી ગમીને ગમ્યો રાખનો જ રંગ મને

જગતની રીતને મારે કશોય મેળ નથી

રખે જીવું, તો જિવાડી જશે તરંગ મને.

                           -સુરેન ઠાકર ‘મેહુલ’

                           (૩૦|૭|૧૯૪૨ - ૨૭|૭|૨૦૨૨)

મને તરંગે નહીં, પણ સર્જકતાના રંગે અને સાહિત્યના ઉમંગે જિવાડ્યા એ સુરેન ઠાકર મેહુલ આપણી વચ્ચે નથી એવું કહેતાં જીભ સુકાય છે. ૮૦ વર્ષ પૂરાં થવામાં માત્ર ત્રણ દિવસ બાકી હતા ત્યાં તો ત્રિભુવનસ્વામી પાસે જવા પ્રયાણ કરી લીધું.