આત્મરક્ષામાં આત્મનિર્ભરતાની તાકાત: મુંજાલ શાહ

પારસ ડિફેન્સ ઍન્ડ સ્પેસ ટેક્નોલૉજિસના મૅનેજિંગ ડિરેક્ટર

ડિફેન્સ ઈન્ડસ્ટ્રીની દેશની કેટલીક જાણીતી કંપનીઓમાંની એક એવી પારસ ડિફેન્સના મુંજાલ શાહ કહે છેઃ

એક સમય હતો, જ્યારે આપણે દેશની સરહદનું રખોપું કરવામાં એટલા બિઝી હતા કે એ માટે જરૂરી આયુધો ઘરઆંગણે બનાવી અબજો રૂપિયા બચાવી શકીએ એની કલ્પના પણ કરતા નહોતા.

- અને એક સમય હતો, જ્યારે ટૅન્ક, ગન્સ, સબમરીન કે પછી ઍરક્રાફ્ટ, હેલિકૉપ્ટર, વગેરેની ખરીદીનાં ટેન્ડર બહાર પડતાં. વિદેશી કંપનીઓ ભારતીય કંપની સાથે મળીને ખરીદ-વેચાણની આખી પ્રક્રિયા પર વગ વાપરીને મોંઘા ભાવે આયુધો વેચતી.

૨૦૨૦માં નિર્મલા સીતારમણે વડા પ્રધાન નરેન્દ્ર મોદીના વિઝન પ્રમાણે મેક ઈન ઈન્ડિયાની જાહેરાત કરી. ત્યાર બાદ સરકાર-ટુ-સરકાર, ગવર્નમેન્ટ-ટુ-ગવર્નમેન્ટ લેવડદેવડ થવા લાગી, વચેટિયાની ધીરે ધીરે બાદબાકી થવા લાગી. સરકારે કહ્યું કે ૧૦૦ રૂપિયાની પ્રોડક્ટ હોય તો એના ઉત્પાદનમાં પચાસ રૂપિયાથી વધુ ભારતના વપરાવા જોઈએ. સાદું ઉદાહરણ જોઈએ તો, તમારે આઈફોન વેચવો છે? વેચો, પણ એ બનશે ભારતમાં. ફોન બનાવવા ઍપલ કંપની અમુક જરૂરી પ્રોક્યૉરમેન્ટ ભારતથી કરે.