પલક

સાવ પાસે ગયા પછી લાગ્યું થોડું અંતર રખાય તો સારું.

- હિતેન આનંદપરા

અંતર મેળવવા માટે એક અંતર જરૂરી હોય છે. ટ્રેનના પાટા સમાંતરે ચાલતા હોય છે, જેથી ટ્રેન દોડી શકે. એમાં પણ વચ્ચે ઈન્ટરચેન્જ માટે ક્યાંક બે પાટા ભેગા થાય અને ફરી પાછા છૂટા પડી જાય. જિંદગીમાં પણ આવી સ્પેસ અનિવાર્ય છે. પતિ-પત્ની વચ્ચે ગમે એટલા સુમેળભર્યા સંબંધ હોય છતાં ઘણી વાર એવું જોવા મળે કે પત્નીની સર્જનાત્મક ઈચ્છા પૂરી ન થાય. એને સંગીત શીખવું હોય કે નૃત્ય શીખવું હોય કે બીજી કોઈ કળામાં રસ હોય ત્યારે ક્યારેક જવાબદારીને કારણે તો ક્યારેક એમને રસ નથી એવા વિચારે મન મારવું પડે.