બધી ગાંઠ કૅન્સરની ન પણ હોય...

બાળકના જન્મ પછી ‘આ’ સમસ્યા થાય તો કરવું શું? જવાબ છે, ફિકર તો ન જ કરવી. કારણ, તમે એકલાં નથી.

- ડૉ. અર્ચના પારસ શાહ

ગાયનેક ફ્રેન્ડની આગલી કૉલમમાં હૉટ ફ્લૅશની સમસ્યા વિશે વિગતે વાત કર્યા પછી આ વખતે પ્રસ્તુત છે અમુક સવાલના જવાબઃ

પ્રશ્ન: મારી ઉંમર ૩૮ વર્ષ છે. મને છેલ્લા કેટલાક સમયથી છાતીમાં થોડો ભાર વર્તાય છે અને એ ભાગમાં હાથ લગાડું તો ગાંઠ જેવું લાગે છે. એનું શું કારણ હોઈ શકે અને મારે શું કરવું જોઈએ?

ગાયનેક ફ્રેન્ડઃ બહેન, તમને છાતીના ભાગમાં ગાંઠ જેવું લાગે છે તો તાત્કાલિક કોઈ પણ સ્ત્રીરોગ નિષ્ણાત પાસે જઈ તપાસ કરાવો અને મેમોગ્રાફી ને સોનોગ્રાફી કરાવો. તમારી ઉંમર ૩૮ વર્ષની છે. તમારે કોઈ તકલીફ ન હોય તો પણ વર્ષે એક વાર ડૉક્ટર પાસે જઈ તપાસ કરાવવી જોઈએ. તપાસ પરથી ગાંઠ આવે તો એની બાયોપ્સી પછી એનું ઑપરેશન કરવામાં આવે છે. ઘણા કેસમાં કોઈ ગાંઠ ન આવે તો હોર્મોન્સના બદલાવથી પણ છાતીમાં સોજો લાગે. એને દવાથી સારું કરી શકાય. છાતીમાં બધી ગાંઠ કૅન્સર જ હોય એવું જરૂરી નથી. ઘણા કેસમાં એ નૉર્મલ ગાંઠ-Fibroadenoma પણ હોઈ શકે છે. તમને શું પ્રોબ્લેમ છે એનું નિદાન તમારી યોગ્ય તપાસ અને સોનોગ્રાફીથી જ થઈ શકે અને એ પછી તબીબ એની સારવાર કરી શકે.

પ્રશ્નઃ ચાર મહિના પહેલાં મને ટ્વિન્સ આવ્યા. એ પછી મને સેક્સની ઈચ્છા થતી નથી. બાળકજન્મ પછી આ સમસ્યા કૉમન છે?