രാമൻ, എത്തനെ രാമനടി

ഇന്നിപ്പൊ സ്ഥിതിയാകെ മാറിയ മട്ടാണ്. രാമാന്ന് വിളിച്ചാൽ ആരാ വരിക എന്നൊരു നിശ്ചയില്യാ

- സുന്ദർജി

രാമാ........

എന്നങ്ങട് നീട്ടി വിളിച്ചാൽ പണ്ടൊക്കെ തോളിൽ കിടക്കുന്ന തോർത്തെടുത്ത് ഇടുപ്പിൽ കെട്ടി കബാലീടെ കൂട്ട് "റാൻ' എന്നു പറഞ്ഞ്. എന്തിനും റെഡിയായി എത്തുമായിരുന്ന കാര്യസ്ഥനായിരുന്നു പ്രത്യക്ഷപ്പെടുക.

ഇന്നിപ്പൊ സ്ഥിതിയാകെ മാറിയ മട്ടാണ്. രാമാന്ന് വിളിച്ചാൽ ആരാ വരിക എന്നൊരു നിശ്ചയില്യാ

മോദിയുടെ രാമനാണോ?
ഗാന്ധിയുടെ രാമനാണോ?
വാൽമീകിയുടെ രാമനാണോ?
വ്യാസന്റെ രാമനാണോ?
എന്തോന്ന്? വ്യാസനോ?

ഓ! സോറി, ഒരു ഒഴുക്കിനങ്ങു പറഞ്ഞു പോയതാ ഒരു ഒഴുക്കിന് കിണറ്റി ചാടിയാ ഒൻപത് ഒഴുക്കിന് തിരിച്ച് കേറാൻ പറ്റില്ല എന്നോർത്തോണം.

എഴുത്തച്ഛന്റെ രാമനാണോ? കോദണ്ഡരാമനാണോ? കോസലരാമനാണോ? അയോദ്ധ്യാരാമനാണോ? രാമ!രാമാ!

എന്താപ്പോ ഇങ്ങനെ. ഹായ്! ശിവ! ശിവ എന്നല്ലേ പറേണ്ട. അതേയ് ഒരു പിടീം കിട്ടണില്യാ. ഓരോരുത്തരുടേം മനസ്സിലും ഓരോ രാമനാണേ

 "രാമൻ, എത്തനെ രാമനടീ

 എന്ന് അന്ത കണ്ണദാസൻ തന്നെ അന്തക്കാലത്ത് അന്തംവിട്ട് പാടിയില്ലേ.