സേനകളിൽ

പരിശീലനമുൾപ്പെടെ നാലുവർഷത്തെ സർവീസ്

കരസേന

സേനകളിലേക്കുള്ള പുതിയ റിക്രൂട്ട്മെന്റ് നടപടിയായ അഗ്നിവീർ പദ്ധതിയിലേക്കുള്ള വിജ്ഞാപനമായി. കരസേനയിലേക്ക് ജൂലായ് മുതൽ അപേക്ഷ സമർപ്പിക്കാം. ബന്ധപ്പെട്ട ആർമി റിക്രൂട്ടിങ് ഓഫീസിന് കീഴിലാണ് അക്ഷിക്കേണ്ടത്. അഗ്നിവീർ ജനറൽ ഡ്യൂട്ടി, അഗ്നിവീർ ടെക്നിക്കൽ, അഗ്നിവീർ ടെക്നിക്കൽ (ഏവി യേഷൻ/അമ്യുണിഷൻ എൻജി നീയർ), അഗ്നിവീർ ക്ലാർക്ക്/സ്റ്റോർ കീപ്പർ ടെക്നിക്കൽ, അഗ്നിവീർ ട്രേഡ്സ്മാൻ എന്നീ തസ്തികയിലേക്ക് അപേക്ഷ സമർപ്പിക്കാം. പരിശീലനമുൾപ്പെടെ നാലുവർഷമാണ് സർവീസ്. അഗ്നിവീർ പദ്ധതിയിലൂടെ സർവീസിലെത്തുന്നവർക്ക് പെൻഷൻ, ഗ്രാറ്റുവിറ്റി എന്നിവയുണ്ടായിരിക്കില്ല. സർവീസിനു ശേഷം സ്കിൽ സർട്ടിഫിക്കറ്റും പന്ത്രണ്ടാംക്ലാസ് പൂർത്തിയാക്കാത്തവരാണെങ്കിൽ അവർക്ക് തത്തുല്യ സർട്ടിഫിക്കറ്റും ലഭിക്കും.

അഗ്നിവീർ (ജനറൽ ഡ്യൂട്ടി (ഓൾ ആംസ്)

യോഗ്യത: 45 ശതമാനം മാർകോടെ എസ്.എസ്.എൽ.സി./ മെട്രിക്ക്. ഓരോ വിഷയങ്ങൾക്കും 33 ശതമാനം മാർക്കെങ്കിലും നേടിയിരിക്കണം. പ്രായം: പതിനേഴരമുതൽ 23 വയസ്സുവരെ, ശാരീരികക്ഷമത ഉയരം-166 സെ.മീ., കുറഞ്ഞ ഭാരം 50 കിലോ, നെഞ്ചളവ്-77 സെ.മീ. 5 സെ.മീ. വികാസമുണ്ടായിരിക്കണം.

അഗ്നിവീർ ടെക്നിക്കൽ (ടെക്നിക്കൽ, ഏവിയേഷൻഅമ്യുണിഷൻ എക്സാമിനർ

യോഗ്യത: സയൻസ് വിഷയത്തിൽ +2 /ഇന്റർമീഡിയറ്റ് പാസായിരിക്കണം. ഫിസിക്സ്, കെമിസ്ട്രി, മാത്‍സ്, ഇംഗ്ലീഷ് എന്നീ വിഷയങ്ങളിൽ 50 ശതമാനം മാർക്കും ഓരോ വിഷയത്തിനും 40 ശതമാനം മാർക്കെങ്കിലും ഉണ്ടായിരിക്കുകയും വേണം. അല്ലെങ്കിൽ തത്തുല്യം. പ്രായം: പതിനേഴര-23 വയസ്സ്. ശാരീരികക്ഷമത: ഉയരം 165 സെ.മീ., കുറഞ്ഞ ഭാരം 50 കിലോ., നെഞ്ചളവ്-77 സെ.മീ. 5 സെ.മീ. വികാസമുണ്ടായിരിക്കണം.

അഗ്നിവീർ ക്ലാർക്ക്/സ്റ്റോർ കീപ്പർ ടെക്നിക്കൽ/ഇൻവന്ററി മാനേജ്മെന്റ് (ഓൾ ആംസ്) യോഗ്യത: 60 ശതമാനം മാർക്കോടെ ഏതെങ്കിലും സ്ട്രീമിലെ പ്ലസ് ടു /ഇന്റർമീഡിയറ്റ് പാസായിരിക്കണം (ആർട്സ്, കൊമേഴ്സ്, സയൻസ്). എല്ലാ വിഷയങ്ങളിലും 50 ശതമാനം മാർക്കുണ്ടായിരിക്കണം. ഇംഗ്ലീഷ്/മാത്‍സ് /അക്കൗണ്ട്സ്/ബുക്ക് കീപ്പിങ് എന്നിവയിൽ 50 ശതമാനം മാർക്ക് വേണം.പ്രായം: പതിനേഴര-23 വയസ്സ്.