നിംഹാൻസിൽ നഴ്സിങ്, പാരാമെഡിക്കൽ ബാച്ചിലർ പ്രോഗ്രാമുകൾ

നഴ്സിങ്, അനസ്തേഷ്യാ ടെക്നോളജി, റേഡിയോഗ്രഫി, ക്ലിനിക്കൽ ന്യൂറോ ഫിസി. ടെക്നോളജി

- ഡോ. എസ്. രാജു കൃഷ്ണൻ

ദേശീയപ്രാധാന്യമുള്ള സ്ഥാപനമായ ബാംഗ്ലൂർ നാഷണൽ ഇൻസ്റ്റിറ്റ്യൂട്ട് ഓഫ് മെന്റൽ ഹെൽത്ത് & ന്യൂറോസയൻസസ് (നിംഹാൻസ്) വിവിധ ബി.എസ്സി. കോഴ്സുകൾക്ക് അപേക്ഷ ക്ഷണിച്ചു. 2022 സെപ്റ്റംബർ സെഷനിലാണ് പ്രവേശനം.

നഴ്സിങ്, അനസ്തേഷ്യാ ടെക്നോളജി, റേഡിയോഗ്രഫി, ക്ലിനിക്കൽ ന്യൂറോ ഫിസിയോളജിക്കൽ ടെക്നോളജി എന്നീ ബാച്ചിലർ ഓഫ് സയൻസ് പ്രോഗ്രാമുകളിലേക്ക് അപേക്ഷിക്കാം. നാല് പ്രോഗ്രാമുകൾക്കും ഓൾ ഇന്ത്യ കാറ്റഗറിയിലും കർണാടക ഡൊമിസൈൽ കാറ്റഗറിയിലും സീറ്റുകൾ ലഭ്യമാണ്. അവ ഇപ്രകാരമാണ്: നഴ്സിങ്-ഓൾ ഇന്ത്യ35, കർണാടക ഡൊമിസൈൽ-50; അനസ്തേഷ്യാ ടെക്നോളജി-4, 7; റേഡിയോഗ്രഫി-4, 7; ക്ലിനിക്കൽ ന്യൂറോ ഫിസിയോ ളജിക്കൽ ടെക്നോളജി-2, 4. ഈ പ്രോഗ്രാമിന് ഒരു സ്പോൺസേഡ് സീറ്റും ഉണ്ട്.