ക്ലാറ്റ് എഴുതാം; നിയമം പഠിക്കാം

 അപേക്ഷ നവംബർ 13 വരെ കൊച്ചിയിലും സീറ്റ്

- ഡോ.എസ്. രാജുകൃഷ്ണൻ

രാജ്യത്തെ 22 ദേശീയ നിയമ സർവകലാശാലകളിലെ ബിരുദതല, ബിരുദാനന്തര ബിരുദതല നിയമ കോഴ്സുകളിലെ 2023- ലെ പ്രവേശനത്തിനായി നടത്തുന്ന കോമൺ ലോ അഡ്മിഷൻ ടെസ്റ്റിന് (സി.എൽ.എ.ടി.- ക്ലാറ്റ്) അപേക്ഷ ക്ഷണിച്ചു.

കൊച്ചി, ബെംഗളൂരു, ഹൈദരാബാ ദ്, ഭോപാൽ, കൊൽക്കത്ത, ജോധ്പുർ, റായ്പുർ, ഗാന്ധിനഗർ, ലഖ്നൗ, പഞ്ചാബ്, പട്ന, ഒഡിഷ, റാഞ്ചി, അസം, വിശാഖപട്ടണം, തിരുച്ചിറപ്പള്ളി, മുംബൈ, നാഗ്പുർ, ഔറംഗബാദ്, ഷിംല, ജബൽപുർ, ഹരിയാണ എന്നിവിടങ്ങളിലാണ് ദേശീയ നിയമ സർവകലാശാലകളുള്ളത്.

ബിരുദ കോഴ്സുകൾ: ബിരുദതലത്തിൽ അഞ്ചു വർഷത്തെ ഇന്റഗ്രേറ്റഡ് ഓണേഴ്സ് പ്രോഗ്രാമുകളാണുള്ളത്. ബി.എ. എൽഎൽ.ബി (ഓണേഴ്സ്), എല്ലാ സർവകലാശാലകളിലുമുണ്ട്.

ബി.ബി.എ. എൽഎൽ.ബി (ഓണേഴ്സ്): ജോധ്പുർ, ഗാന്ധിനഗർ, പട്ന, കട്ടക് ഷിംല; ബി.എസ്സി. എൽഎൽ.ബി. ഗാന്ധിനഗർ; ബി.കോം. എൽഎൽ.ബി. ദൈർഘ്യ ഗാന്ധിനഗർ, തിരുച്ചിറപ്പള്ളി; ബി.എസ്. ഡബ്ല്യു.എൽഎൽ.ബി.: ഗാന്ധിനഗർ, പി.ജി.പ്രോഗ്രാം: ഒരുവർഷം മുള്ള, എൽഎൽ.എം., ഹരിയാണ ഒഴികെയുള്ള, എല്ലാ സർവകലാശാലകളിലുമുണ്ട്.

പ്രവേശന യോഗ്യത: യു.ജി., പി.ജി. പ്രോ ഗ്രാമുകളിലെ പ്രവേശനത്തിന് ഉയർന്ന പ്രായപരിധി ഇല്ല. യു.ജി. പ്രോഗ്രാം പ്രവേശനം തേടുന്ന വർ 10+2/തത്തുല്യ പരീക്ഷ 45% മാർക്കോടെ (പട്ടിക വിഭാഗക്കാർക്ക് 40%)/തത്തുല്യ ഗ്രേഡോടെ ജയിച്ചിരിക്കണം.