ആറാട്ടുപുഴ വേലായുധപ്പണിക്കർ 19-ാം നൂറ്റാണ്ടിലെ രക്തസാക്ഷി

മൂക്കുത്തിസമരത്തിനും അച്ചിപ്പുടവ സമരത്തിനും നേതൃത്വം നൽകിയത് ആറാട്ടുപുഴ വേലായുധപ്പണിക്കരായിരുന്നു. ബോട്ട് യാത്രയിൽ ഉറങ്ങിക്കിടന്ന അദ്ദേഹത്തെ കൊലപ്പെടുത്തുകയാണുണ്ടായത്

ശ്രീ നാരായണഗുരു അരുവിപ്പുറത്ത് ശിവപ്രതിഷ്ഠ നടത്തുന്നതിനും 36 വർഷം മുൻപ് അവർണർക്കായി ക്ഷേത്രപ്രതിഷ്ഠ നടത്തിയ സാമൂഹിക വിപ്ലവകാരിയാണ് ആറാട്ടുപുഴ വേലായുധപ്പണിക്കർ. സവർണമേധാവിത്വത്തെ വെല്ലുവിളിക്കാൻ ധൈര്യപ്പെട്ട കേരളത്തിലെ ആദ്യ സാമൂഹിക വിപ്ലവകാരികളിലൊരാളും കേരള നവോത്ഥാന ചരിത്രത്തിലെ ആദ്യ രക്തസാക്ഷിയുമായിരുന്നു ഇദ്ദേഹം.

ആലപ്പുഴ ജില്ലയിലെ കാർത്തികപ്പള്ളി താലൂക്കിൽ ആറാട്ടുപുഴ തീരദേശഗ്രാമത്തിലാണ് 1825 ജനുവരി ഏഴിന് വേലായുധപ്പണിക്കരുടെ ജനനം. കല്ലിശ്ശേരി വേലായുധ ചേകവർ എന്നാണ് യഥാർഥ പേര്. സമ്പത്തും പ്രശസ്തിയുമുള്ള ഈഴവ കുടുംബമായിരുന്നു അത്. വേലായുധൻ ജനിച്ച് 13-ാം ദിവസം അമ്മ മരണപ്പെട്ടു. പെരുമാൾ ചേകവൻ എന്നറിയപ്പെട്ടിരുന്ന കയറ്റുമതി വ്യാപാരി കൂടിയായിരുന്ന അപ്പൂപ്പന്റെയും അമ്മൂമ്മയുടെയും സംരക്ഷണത്തിലാണ് വേലായുധൻ വളർന്നത്. വീട്ടിൽ വെച്ചുതന്നെ സംസ്കൃതം, മലയാളം ഭാഷകളും വൈദ്യവും ജ്യോതിഷവും പഠിച്ചു. കുതിര സവാരി, വാൾപയറ്റ്, നീന്തൽ തുടങ്ങിയവയും അഭ്യസിച്ചു. 20-ാം വയസ്സിൽ കായംകുളത്തെ വാരണപ്പള്ളി തറവാട്ടിലെ വെളുബിയെ വിവാഹം കഴിച്ചു. ഏഴ് മക്കളും പിറന്നു. ശ്രീനാരായണ ഗുരു പിൽക്കാലത്ത് വിദ്യാഭ്യാസാർഥം വാരണപ്പള്ളി തറവാട്ടിൽ താമസിച്ചിരുന്നു.

ആദ്യ ക്ഷേത്രപ്രതിഷ്ഠ