യൂണിവേഴ്സിറ്റി അസിസ്റ്റന്റ് ഒഴിവ് 1000 കടക്കും

കംപ്യൂട്ടർ അസിസ്റ്റന്റ് തസ്തികയിൽ അഞ്ഞൂറിലേറെ നിയമനസാധ്യത

- ആർ. ജയപ്രസാദ്

സർവകലാശാലകളിൽ അസിസ്റ്റന്റ്, കംപ്യൂട്ടർ അസിസ്റ്റന്റ് തസ്തികകൾക്ക് പുതിയ വിജ്ഞാപനമായി. അസിസ്റ്റന്റിൽ ആയിരത്തിലേറെപ്പേർക്കും കംപ്യൂട്ടർ അസിസ്റ്റന്റിൽ അഞ്ഞൂറിലേറെപ്പേർക്കും നിയമനം പ്രതീക്ഷിക്കാം. 2023 ജനുവരി നാലു വരെയാണ് അപേക്ഷിക്കാനുള്ള സമയം. ഓൺലൈനായാണ് അപേക്ഷിക്കേണ്ടത്.

നിയമനം 13 സർവകലാശാലകളിൽ

 13 സർവകലാശാലകളിലേക്കാണ് ഈ വിജ്ഞാപനങ്ങളിലൂടെ പി.എസ്.സി. നിയമനം നടത്തുന്നത്. കേരള, എം.ജി, കാലിക്കറ്റ്, കണ്ണൂർ, കുസാറ്റ്, കാർഷികം, സാങ്കേതികം, ഫിഷറീസ്, ആരോഗ്യം, വെറ്ററിനറി ആൻഡ് ആനിമൽ സയൻസസ്, നുവാൽസ്, ശ്രീശങ്കര സംസ്കൃതം, മലയാളം എന്നിവയാണ് സർവകലാശാലകൾ. അസിസ്റ്റന്റ്, കംപ്യൂട്ടർ അസിസ്റ്റന്റ് തസ്തികകളിൽ എക്സിക്യുട്ടീവ് ഉത്തരവിന്റെ അടിസ്ഥാനത്തിൽ 2016 മുതൽ പി.എസ്.സി. വഴിയാണ് ഇവിടങ്ങളിൽ നിയമനം നടത്തുന്നത്. ഈ തസ്തികകളിലേക്കുള്ള പി.എസ്.സി.യുടെ മൂന്നാമത് വിജ്ഞാപനമാണ് ഇപ്പോഴത്തെത്.

8 ലക്ഷം അപേക്ഷകർക്ക്  സാധ്യത