ജനുവരി 24 പെൺകുട്ടികളുടെ ദിനം

പെൺകുട്ടികളുടെ പ്രശ്നങ്ങളിൽ സമൂഹത്തിന്റെ ശ്രദ്ധ പതിയാനാണ് ജനുവരി 24 ദേശീയ ബാലികാദിനമായി ആചരിക്കുന്നത്

- ആതിര തര്യൻ

ഇന്ത്യയുടെ ആദ്യ വനിതാപ്രധാനമന്ത്രിയായി ഇന്ദിരാഗാന്ധി 1966 ജനുവരി ചുമതലയേറ്റത് 24-നാണ്. 2008 മുതൽ ഈ ദിനം ഇന്ത്യയിൽ ദേശീയ ബാലികാദിനമായി വനിത-ശിശു വികസന മന്ത്രാലയത്തിന്റെ നേതൃത്വത്തിൽ ആചരിക്കുന്നു. പെൺകുട്ടികളു ടെ അവകാശങ്ങൾ സംരക്ഷിക്കുന്നതിനും അവരെ ശാക്തീകരിക്കുന്നതിനും അവർ നേരിടുന്ന ലിംഗ വിവേചനങ്ങൾക്കെതിരേ ബോധവത്കരണം നടത്തുന്നതിനുമായാണ് ബാലികാദിനം ആചരിക്കുന്നത്. എല്ലാ പെൺ കുട്ടികൾക്കും മികച്ച വിദ്യാഭ്യാസവും മെച്ചപ്പെട്ടതും അന്തസ്സുള്ളതുമായ ജീവിതവും ഉറപ്പാക്കുക എന്ന ലക്ഷ്യവും ഇതിനുപിന്നിലുണ്ട്. പെൺകുട്ടികളോടുള്ള സമൂഹത്തിന്റെ മനോഭാവം മാറ്റുക എന്നതാണ് പ്രധാന ലക്ഷ്യം.

2023-ലെ ദേശീയ ബാലികാദിനത്തിന്റെ പ്രമേയം Equality for Girls; Breaking Barriers, Building Bridges എന്നതാണ്. വിവേചനം, അക്രമം, വിദ്യാഭ്യാസത്തിനും പ്രവേശനത്തിനുമുള്ള പരിമിതമായ അവസരം എന്നിവയുൾപ്പെടെ സമൂഹത്തിൽ പെൺകുട്ടികൾ നേരിടുന്ന നിരവധി പ്രശ്നങ്ങൾ  സമൂഹത്തിനു മുന്നിൽ തുറന്നു കാട്ടാനും ആ വെല്ലുവിളികളെ പെൺകുട്ടികളെ മറികടക്കാനും പ്രാപ്തരാക്കുക എന്നതാണ് ഈ പ്രമേയം കൊണ്ട് ലക്ഷ്യമിടുന്നത്.

ഇന്ത്യയിലെ സ്ഥിതി

 ശൈശവ വിവാഹം, ബാലവേല, ലിംഗ അസമത്വം, ശാരീരിക പീഡനം തുടങ്ങിയ ഒരുപാട് ദുരന്തങ്ങളാണ് നമ്മുടെ പെൺകുഞ്ഞുങ്ങൾ അനുഭവി ക്കുന്നത്. 1961-ൽ ഇന്ത്യയിൽ 15 വയസ്സുവരെ പ്രായമുള്ളവരുടെ ജനസംഖ്യ ആകെ ജനസംഖ്യ യുടെ 43 ശതമാനമാണെങ്കിൽ 2021-ൽ അത് 27 ശതമാനമായി കുറഞ്ഞു. മുതിർന്നവരിൽ 1000 പുരുഷന്മാർക്ക് 1020 സ്ത്രീകൾ രാജ്യത്തുള്ളപ്പോൾ ആറ് വയസ്സു വരെയുള്ളവരിൽ 1000 ആൺകുട്ടികൾക്ക് 929 പെൺകുട്ടികൾ  മാത്രമാണുള്ളത്.

കേരളത്തിന്റെ ആകെ ജനസംഖ്യയിൽ ആയിരം പുരുഷന്മാർക്ക് 1084 സ്ത്രീകൾ എന്ന നിരക്കിലാണ് സ്ത്രീ - പുരുഷ അനുപാതം. എന്നാൽ 1000 ആൺകുട്ടികൾക്ക് 974 പെൺകുട്ടികൾ മാത്രമാണ് കേരളത്തിലുള്ളത്. ഉത്തരാഖണ്ഡിൽ 1000 ആൺകുട്ടികൾക്ക് 844 പെൺകുട്ടികൾ മാത്രമേ ജനിക്കുന്നുള്ളൂ.