రష్యా సైనిక దళంలో భారతీయ యువకులు

రష్యాలో ఉద్యోగాల పేరుతో నిరుద్యోగుల నుండి లక్షలకు లక్షలు దోచుకొని... దొడ్డిదారిన ఆదేశానికి పంపించిన భారతీయ యువకులు ఒక్కొక్కరుగా గాయాల బారినపడి... తమ ప్రాణాలు అరచేతిలో పెట్టుకొని స్వదేశానికి తిరిగి వస్తున్నారు.

- - వి.వి.వెంకటేశ్వరరావు, ఫ్రీలాన్స్ జర్నలిస్టు. 6300866637.

రష్యాలో ఉద్యోగాల పేరుతో నిరుద్యోగుల నుండి లక్షలకు లక్షలు దోచుకొని... దొడ్డిదారిన ఆదేశానికి పంపించిన భారతీయ యువకులు ఒక్కొక్కరుగా గాయాల బారినపడి... తమ ప్రాణాలు అరచేతిలో పెట్టుకొని స్వదేశానికి తిరిగి వస్తున్నారు. ఏజెంట్ల చేతిలో మోసపోయి, రష్యా దళాల తరపున ఉక్రెయిన్ తో యుద్ధంలో తెలిసీ.. తెలియని పనులు చేసి... ఏక్షణంలో ప్రాణాలు పోతాయో తెలియన తీవ్ర ఆదోంళనతో కాలం గడిపిన ఆ యువకులు ఇప్పుడు కేరళ వాసులు కావడం గమనార్హం. ఇప్పటికే తెలంగాణ రాష్ట్రానికి చెందిన హైదరాబాద్ యువకులు ఇద్దరు రష్యా-ఉక్రెయిన్ మధ్య జరిగిన యుద్ధంలో అనధికారికంగా పాల్గొని ప్రాణాలు కోల్పోయిన ఘనటతో ఆ కుటుంబాలు ఇప్పటికీ తేరుకోలేదు. ఏజెంట్లు మోసం చేశారన్న విషయం ఒక్కసారిగా వెలుగులోకి రావడంతో భారత్ నిఘా వర్గాలు విచారణను ముమ్మరం చేశాయి. దీంతో తీగలాగితే డొంకంతా కదిలిందన్న చందాన... ఒక్కొక్కరి వివరాలు ఇప్పుడు వెలుగు చూస్తున్నాయి. వీరే కాకుండా ఇంకెంత మంది రష్యా సైనిక బృందంలో అనధికారికంగా పని చేస్తున్నారో అని నిఘా వర్గాలు ఆరా తీస్తున్నాయి.