తొలిదశ ప్రశాంతం

• 21 రాష్ట్రాలకుగాను 102 స్థానాల్లో పోలింగ్ • చెదురుముదురు ఘటనలు మినహా అంతా ప్రశాంతం

• లోక్సభతోపాటు అరుణాచల్, సిక్కింలో అసెంబ్లీ ఎన్నికలు 

• త్రిపుర 79.83, బెంగాల్లో 77.57 పోలింగ్ శాతం 

న్యూఢిల్లీ 19 ఏప్రిల్ (ఆదాబ్ హైదరాబాద్): దేశవ్యాప్తంగా లోక్ సభ ఎన్నికల మొదటి దశ పోలింగ్ పూర్తి అయింది. తొలి దశలో 21 రాష్ట్రాలు, కేంద్ర పాలిత ప్రాంతాల్లోని 102 లోక్ సభ సహా అరుణాచల్ ప్రదేశ్, సిక్కిం రాష్ట్రాల్లో అసెంబ్లీ ఎన్నికలకు శుక్రవారం పోలింగ్ జరిగింది. ఉదయం 7గంటలకు ప్రారంభమైన పోలింగ్ సాయంత్రం 6గంటలకు ముగిసింది. 60శాతానికి పైగా ఓటింగ్ నమోదు అయినట్లు తెలుస్తోంది. ఎన్నికల సందర్భంగా దేశంలోని కొన్ని రాష్ట్రాల్లో చెదురుముదురు ఘటనలు మినహా అంతటా ప్రశాంతంగా ఎన్నికలు జరిగాయి.