உங்களை தேடி உங்கள் ஊரில் திட்ட முகாம்

காஞ்சிபுரம் வட்டத்தில், உங்களை தேடி உங்கள் ஊரில் திட்ட முகாம் இன்று துவங்கி நாளை வரை நடக்கவுள்ளது என கலெக்டர் கலைச்செல்விமோகன் தெரிவித்துள்ளார்.

தமிழ்நாடு முதலமைச்சரின் அறிவுறுத்தலின்படி, "மக்களை தேடி, மக்கள் குறைகளை கேட்டு, உடனுக்குடன் தீர்வு காண அரசு இயந்திரங்கள் களத்திற்கே வரும் 'உங்களைத் தேடி உங்கள் ஊரில்' என்ற புதிய திட்டத்தினை அறிமுகம் செய்தார். மேற்படி திட்டத்தின் கீழ் ஒவ்வொரு மாதமும் (மூன்றாவது புதன் கிழமையில்) ஒரு நாள் வட்ட அளவில் தங்கி, கள ஆய்வில் ஈடுபட்டு, அரசு அலுவலகங்களை ஆய்வு செய்து, மக்களின் குறைகளை கேட்டறிந்து, அரசின் அனைத்து நலத் திட்டங்களும், சேவைகளும், தங்கு தடையின்றி மக்களைச் சென்றடைவதை உறுதி செய்ய வேண்டும் என உத்தரவிடப்பட்டுள்ளது.