தமிழகத்தில் அனைத்து ஆரம்ப சுகாதார நிலையங்களிலும் ‘நான் உங்களுக்கு உதவலாமா' மையம் இருப்பதை உறுதி செய்ய வேண்டும்

தமிழகத்தில் உள்ள அனைத்து ஆரம்ப சுகாதார நிலையங்களிலும், 'நான் உங்களுக்கு உதவலாமா' என்ற உதவி மையம் இருப்பதை உறுதி செய்யுமாறு அனைத்து மாவட்ட சுகாதார அலுவலர்களுக்கும் பொது சுகாதாரத்துறை இயக்குனர் செல்வவிநாயகம் அறிவுறுத்தியுள்ளார்.

தமிழகத்தில் உள்ள ஆரம்ப சுகாதார நிலையங்களில் காய்ச்சல், உயர் ரத்த அழுத்தம், நீரிழிவு நோய் உள்ளிட்ட புறநோயாளிகள் மற்றும் உள்நோயாளிகள் சேவை, கர்ப்ப கால முன்கவனிப்பு, பிரசவம், தொற்று நோய்கள் தடுப்பு உள்ளிட்ட பல்வேறு சிகிச்சைகள் வழங்கப்படுகின்றன. மேலும் தடுப்பூசி மற்றும் மருத்துவ முகாம்கள் அவ்வப்போது நடைபெற்று வருகிறது.