அதிமுக மாஜி அமைச்சர் வேலுமணி மீது வழக்கு

காரில் முந்திச் செல்ல முயன்ற மத போதகர் மீது தாக்குதல்

தூத்துக்குடியில் காரில் முந்திச் செல்ல முயன்ற விவகாரத்தில் மடத்துவிளை சேகர குருவை அதிமுகவினர் சரமாரியாக தாக்கிய சம்பவம் பரபரப்பை ஏற்படுத்தி உள்ளது. இதுதொடர்பாக முன்னாள் அமைச்சர்கள் இருவர் உள்பட 17 பேர் மீது முத்தையாபுரம் போலீசார் வழக்கு பதிந்து விசாரணை நடத்தி வருகின்றனர்.

தூத்துக்குடி-நாசரேத் திருமண்டலத்தில் ஆறுமுகநேரி அடுத்த மடத்துவிளை சிஎஸ்ஐ சேகரத்தில் குருவாக பணியாற்றி வருபவர் ஜெகன் (35).

இவர் தனது வாகனத்தில் தூத்துக்குடி நோக்கிச் சென்று கொண்டிருந்தார். அப்போது, அவருக்கு பின்னால் திருச்செந்தூரில் இருந்து தூத்துக்குடி நோக்கி அதிமுக முன்னாள் அமைச்சர்கள் எஸ்.பி.வேலுமணி, கடம்பூர் ராஜூ மற்றும் முன்னாள் எம்எல்ஏ மோகன் உள்ளிட்ட அதிமுக பிரமுகர்களின் கார்கள் வந்தன.