மேம்பாலமாக தரம் உயர்த்தப்படுமா?

வாலாஜாபாத், நவ.4: வாலாஜாபாத் பேரூராட்சியில் 15 வார்டுகள் உள்ளன. இங்கு 20 ஆயிரத்திற்கும் மேற்பட்ட மக்கள் வசித்து வருகின்றனர்.

மேலும் வாலாஜாபாத் நகரத்தை சுற்றியும் குடியிருப்பு பகுதிகள் நாளுக்கு நாள் அதிகரித்து வருகின்றன. இவை மட்டுமின்றி, வாலாஜாபாத் நகர பகுதியில் ஒன்றிய அலுவலகம், ரயில் நிலையம், தபால் நிலையம், காவல் நிலையம், தாலுகா அலுவலகம், நூலகம், சார்பதிவாளர் அலுவலகம், கருவூலக அலுவலகம் உள்ளிட்ட பல்வேறு அரசு அலுவலகங்கள் மற்றும் தொழில் சார்ந்த நிறுவனங்கள், வணிக வளாகங்கள் என செயல்படுகின்றன.

இந்நிலையில், வாலாஜாபாத்தில் செயல்படும் அரசு அலுவலகங்கள் மட்டுமின்றி வணிக வளாகங்களுக்கு வாலாஜாபாத் சுற்றியுள்ள நூற்றுக்கும் மேற்பட்ட கிராம மக்கள் வாலாஜாபாத் வந்து செல்கின்றனர். மேலும், ஒரகடம், ஸ்ரீபெரும்புதூர், சுங்குவார் சத்திரம், செங்கல்பட்டு, மறைமலைநகர், படப்பை, தாம்பரம் உள்ளிட்ட பல்வேறு நகர்ப்புற பகுதிகளில் செயல்படும் அரசு அலுவலகங்கள் மற்றும் தனியார் தொழிற்சாலைகளில் ஆயிரக்கணக்கானோர் பணி ஆற்றி வருகின்றனர்.